Nur-Sultan qalasyndaǵy ártúrli turǵyn úılerdiń tórt podezi karantınge alyndy. Bul týraly qala ákimdiginiń baspasóz qyzmeti habarlady.
«2 mamyrda ártúrli turǵyn úıdiń, sonyń ishinde «Nomad» turǵyn úı kesheniniń podezdi karantınge alyndy. Podezderde dezınfeksııa jumystary júrgizildi. Sol úılerdegi turǵyndarǵa dalaǵa shyǵýǵa bolmaıdy, olar úıde otyrýy kerek jáne ol podezderge eshkimge kirýge bolmaıdy», delingen habarlamada.
Ákimdiktiń málimetinshe, ol aýmaqty polısııa qyzmetkerleri kúzetip jatyr.
«Podezder karantınge qalalyq sanıtarlyq dárigerdiń qaýlysy boıynsha jabylady. Bul sharanyń bári qala turǵyndarynyń qaýipsizdigi úshin jasalǵan», delingen habarlamada.