Qazaqstan – Sorbonna fransýz ýnıversıteti ashylmaq

Abaı atyndaǵy Qazaq ulttyq pedagogıkalyq ýnıversıtetiniń halyqaralyq baılanys­tary jyldan-jylǵa jedel qarqynmen damý ústinde. Italııanyń Bolon qalasynda Ýnıversıtetterdiń Uly Hartııasyna múshe bolǵan oqý orny búginde álemniń ondaǵan bedeldi ýnıversıtetterimen áriptestik qatynas ornatyp úlgerdi.

Abaı atyndaǵy Qazaq ulttyq pedagogıkalyq ýnıversıtetiniń halyqaralyq baılanys­tary jyldan-jylǵa jedel qarqynmen damý ústinde. Italııanyń Bolon qalasynda Ýnıversıtetterdiń Uly Hartııasyna múshe bolǵan oqý orny búginde álemniń ondaǵan bedeldi ýnıversıtetterimen áriptestik qatynas ornatyp úlgerdi.

Bıyl mamyr aıynda atalmysh qara shańyraqtyń qabyrǵasynda Qazaq-qytaı ınnovasııalyq orta­lyǵy ashylsa, 17 qyrkúıekte osy oqý ornynda «Qazaqstan – Sor­bonna fransýz ýnıversıtetin» ashý týraly eki oqý orny basshylary Memorandýmǵa qol qoıdy. Bul rásimge Fransııanyń Frankofonııa jónindegi mınıstri Iаmına Bengı­gı hanym bastaǵan Fransııa delegasııasy keldi. Delegasııa qura­mynda Parıjdegi Sorbonna ýnıversıtetiniń Prezıdenti Jan-Fransýa Jırar, atalǵan jo­ba­­nyń ıesi belgili jazýshy, qo­ǵam qaıratkeri Marek Halter já­ne Sorbonna ýnıversıtetiniń oqy­týshy-professorlary, fran­sııa­lyq jýrnalıster boldy. Qazaq-fransýz basqosýyna Fransýz res­pýblıkasynyń Qazaq­standaǵy elshiliginiń ókilderi qatysty.

QR Ulttyq Ǵylym akade­mııa­synyń saltanat zalynda ótken Memorandýmǵa qol qoıý rásimin Abaı atyndaǵy QazUPÝ rektory Serik Pirálıev ashyp, fransııalyq qonaqtardy tanystyrdy.

– Abaı atyndaǵy Qazaq ulttyq pedagogıkalyq ýnıversıteti bazasynda «Qazaqstan – Sorbonna fransýz ýnıversıtetin» ashý týraly ekijaqty kelisimshartqa qol qoıýǵa jınalyp otyrmyz. Bo­lashaqta bul ýnıversıtette Qa­zaqstan jastary fransýzsha oqyp bilim alady. Munda Sor­­bonna ýnıversıtetiniń professorlary dáris oqyp, bizdiń jastarymyzdyń Eýropalyq bilim keńistigine shyǵýyna, bilim berýdiń fransýzdyq ınnovasııalyq teh­nologııalaryn ıgerýine, ǵalym­darymyzdyń birlesken ǵylymı jobalardy júzege asyrýyna qol jetkizýine, sondaı-aq, Fransııa men Qazaqstan joǵary oqý oryndary arasyndaǵy áriptestikti nyǵaıtýǵa múmkindik beredi. Bola­shaqta «Qazaqstan – Sorbonna fra­nsýz ýnıversıtetinde» Orta­lyq Azııa jastarynyń da bilim alýyna keń jol ashylady, – dep atap ótti S.Pirálıev.

Almaty qalasy ákiminiń oryn­­­basary Záýre Amanjolova fran­sııalyq qonaqtarǵa Almaty qala­­synyń ekonomıkalyq jáne áleýmettik damýy, bilim berý sala­syndaǵy jetistikteri týraly aıtyp, qolǵa alynyp otyrǵan iske sáttilik tiledi.

Budan keıin QR Ulttyq ǵy­lym akademııasynyń úlken zalynda ekijaqty pikir almasýlar bol­dy. S.Pirálıev Fransýz Respýblıkasynyń Frankofonııa jónindegi mınıstri Iаmına Ben­gıgı hanymǵa Abaı atyndaǵy Qa­zaq ulttyq pedagogıkalyq ýnı­versıtetiniń qurmetti professory dıp­lomyn tapsyryp, professor mantııasyn japty.

Almatyda Sorbonna ýnıver­sıtetinde oqý 2014 jyly bastalady. Oǵan deıin daıyndyq sharalary ótkiziledi. Fransııadan oqytýshylar toby kelip, Abaı atyndaǵy QazUPÝ-da leksııalar sıklin ótkizedi, fransýz tilinde sabaq ótkizý qolǵa alynady. Al­ǵash­qy jyldary marketologııa, áleý­mettaný, saıasattaný, arhıtektýra jáne dızaın mamandyqtary boıynsha mamandar daıarlaý qolǵa alynbaq.

Qanat ESKENDIR,

«Egemen Qazaqstan».

ALMATY.