Aqtaýda Halyqaralyq bıznes akademııasy janyndaǵy memlekettik jáne qoǵamdyq saıasat mektebiniń bilim berý baǵdarlamalary kýrsy ashyldy.
Iske qosylǵan «Densaýlyq saqtaý salasyndaǵy menedjment» jáne «Memlekettik sektordaǵy menedjment» atty magıstrlik bilim berý baǵdarlamalarynyń tyńdaýshylary – 34 memlekettik qyzmetker jáne densaýlyq saqtaý salasynyń 23 top-menedjeri.
Aqtaýda Halyqaralyq bıznes akademııasy janyndaǵy memlekettik jáne qoǵamdyq saıasat mektebiniń bilim berý baǵdarlamalary kýrsy ashyldy.
Iske qosylǵan «Densaýlyq saqtaý salasyndaǵy menedjment» jáne «Memlekettik sektordaǵy menedjment» atty magıstrlik bilim berý baǵdarlamalarynyń tyńdaýshylary – 34 memlekettik qyzmetker jáne densaýlyq saqtaý salasynyń 23 top-menedjeri. Tyńdaýshylardyń óńirdiń jáne emdeý-saýyqtyrý mekemesiniń jedel damýy, strategııalyq menedjmenti, óńirde naqty jáne tıimdi bıznes-úderisin qurý, aýmaqtar men uıymdar marketıngi, sondaı-aq, Project Management syndy zamanaýı yqpaldy tehnologııalardy qoldana bastaýy – baǵdarlamanyń ózindik ereksheligi bolyp tabylady.
«Densaýlyq saqtaý salasyndaǵy menedjment» baǵdarlamasyna bastamashy jáne tapsyrys berýshi retinde elimizdiń Densaýlyq saqtaý mınıstrligi kirisip otyr. Baǵdarlama aıasynda bilimin kótergen qyzmetkerler halyqqa kórsetetin qyzmette oń nátıjeler shyǵaratyn bolady, deıdi QR Densaýlyq saqtaý vıse-mınıstri B.Tókejanov.
Vengrııadaǵy Ortalyq Eýropa ýnıversıtetterimen, AQSh-tyń bedeldi memlekettik saıasat mektepterimen seriktes bolyp tabylatyn baǵdarlamada kásipkerlik áleminde jáne akademııalyq salada mol jumys tájirıbesi bar bilikti oqytýshylar dáris oqyp, sheberlik synyptaryn ótkizedi. Bir jyl boıy ár aıda 4 ret ótetin baǵdarlamany tyńdaýshylar dıssertasııa qorǵaýmen támamdaıdy, tabysty qorǵaǵandarǵa magıstrdiń akademııalyq dárejesi men memlekettik úlgidegi dıplom beriledi.
– Baǵdarlama halyqqa sapaly qyzmet kórsetetin kadrlar daıyndaýǵa baǵyttalǵan. Qazir oblysymyzdyń bilim berý men densaýlyq saqtaý salalarynda birqatar máseleler bar. Osy qıyndyqtardy sheshý úshin bilikti kadrlar daıyndaýdyń mańyzy zor, – deıdi Mańǵystaý oblysynyń ákimi A.Aıdarbaev.
Halyq jaqsy iske qashanda tilekshi. Baǵdarlama aıasynda bilim alyp, bilik jetildirgen mamandardyń jumysynan serpin kútip, senim júkteıdi.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy