Gúlmaıra Qýqaeva kóp jyldardan beri Altynsarın aýdanynda egin sharýashylyǵymen aınalysady. 1800 gektar jeri bar. Onyń 1300 gektaryna bıdaı egip, qalǵanyn parǵa qaldyryp otyrady. Bıdaı egý esigińniń aldyna baqsha egý emes ekendigin ol osy ispen aınalysatyn joldasy ómirden qaıtqanda bir-aq bildi.
Gúlmaıra Qýqaeva kóp jyldardan beri Altynsarın aýdanynda egin sharýashylyǵymen aınalysady. 1800 gektar jeri bar. Onyń 1300 gektaryna bıdaı egip, qalǵanyn parǵa qaldyryp otyrady. Bıdaı egý esigińniń aldyna baqsha egý emes ekendigin ol osy ispen aınalysatyn joldasy ómirden qaıtqanda bir-aq bildi.Tehnıkanyń qosalqy bólshekteri, janar-jaǵarmaı, tyńaıtqysh, alqapty aram shópten aryltý sekildi jumystar alty aı jaz otyrǵyzbaıdy. Eńbegine árkim de qul shyǵar, alaıda osy jumystardyń barlyǵy da qarjysyz ornyna kelmeıtinin bilgende Gúlmaıranyń saly sýǵa ketetin. 2005 jyly «Altyn kómek» nesıe seriktestigine múshe bolyp kirdi. Kirý jarnasyna qarjy taýyp berdi. Sol jyly osy seriktestik dıqandyq jumysty áli jete bilmeıtin, ári qarjydan tapshylyq kórip otyrǵan Gúlmaırany tyǵyryqtan alyp shyqty. Sodan keıingi jyldary osy nesıe seriktestiktiń arqasynda ol qarjydan qıyndyq kórgen emes. О́tken jyly 9 mıllıon teńge qarjy alǵan bolatyn. Alaıda, kókten tamshy tambaı, qurǵaqshylyq boldy da, dıqandardyń keýsenine eshteńe ilinbedi. Nesıe seriktestigi dıqandardyń abyrjýyna jol bergen joq, olardyń alǵan qaryzyn úsh jyl sozyp tóleýge kelisti. Gúlmaıra Beksultanqyzy basqaryp otyrǵan «Qýqaev» sharýa qojalyǵy da bul jeńildikti sezindi. Bul sharýanyń eńse kóterýine úlken kómek boldy.
– Osy nesıeniń arqasynda tuqym aldyq. Egindi ýaqytyly septik. Endi bıyl eginniń reńi jaqsy. Ylǵal kóp túskendikten oraqty kesh bastaǵanbyz. Qazir bıdaıdy jınap jatyrmyz, gektaryna 10-15 sentnerden kelip qalady dep qýanyp otyrmyz. Astyqty tolyq jınap bolǵannan keıin osy 9 mıllıon nesıeniń barlyǵyn bıyl qaıtyp beremiz de, keler jylǵa qaıtadan alamyz, – deıdi «Qýqaev» sharýa qojalyǵynyń jetekshisi Gúlmaıra Qýqaeva.
Mańdaıdyń terin sypyryp etken eńbekke, jaqsy nıetke qoltyqtan demep jiberer kómek bolmasa is qıynǵa soǵar edi. Osyndaı kezde «Agrarlyq nesıe korporasııasy» aksıonerlik qoǵamynyń óte qolaıly, beıim sharty aýyl sharýashylyǵy taýar óndirýshileriniń adymyn ashty.
– Bizdiń agrarlyq nesıe korporasııasy nesıesiniń artyqshylyqtary kóp. Aldymen onyń ústeme paıyzy basqa qarjy ınstıtýttary bergen nesıege qaraǵanda áldeqaıda tómen. Ekinshiden, aýyl sharýashylyǵy taýarlaryn óndirýshiler nesıeni jylyna eki ret qana tóleıdi, ıaǵnı astyǵyn jınap bolǵannan keıin jáne jyldyń basynda. Bul olar úshin óte qolaıly. Biz nesıe seriktestikteri arqyly alty baǵyt boıynsha nesıe beremiz, – deıdi «Agrarlyq nesıe korporasııasy» aksıonerlik qoǵamy Qostanaı oblysy boıynsha fılıalynyń dırektory Aıbek Jumashev.
Fılıal oblystaǵy nesıe seriktestikterine bıyl 1 mıllıard 400 mıllıon teńge nesıe berdi. Ony tórt júzden asa sharýashylyqtar alyp, ıgiligin kórýde. Al ótken jyly berilgen 1 mıllıard 500 mıllıon teńge nesıeniń 1 mıllıard 300 mıllıon teńgesiniń qaıtarý ýaqyty úsh jyl merzimge uzartyldy. «Qaıyr qylsań, bútin qyl» degen de osy.
Názıra JÁRIMBETOVA,
«Egemen Qazaqstan».
QOSTANAI