4 mamyrdan bastap fotosalondar, aýmaǵy 500 sh. m. deıin bolatyn azyq-túliktik emes dúkender, gúl satatyn dúńgirshekter, shashtarazdar, medısına ortalyqtary, stomatologııalyq klınıkalar jumysqa kirisedi.
Búginnen bastap barlyq óńirlerde jumysqa kirisetin kásipkerlik sýbektileriniń qyzmet túrleriniń tizimi bekitildi: aýmaǵy 500 sh. m. deıin bolatyn azyq-túliktik emes dúkender saǵat 17:00-ge deıin (barlyq túrleri); fotosalondar, gúl satatyn dúńgirshekter; shashtarazdar (jazylý boıynsha); medısına ortalyqtary (jazylý boıynsha); stomatologııalyq klınıkalar (jazylý boıynsha); jyljymaıtyn múlikpen operasııalardy júzege asyratyn kompanııalar, jarnama agenttikteri, advokattar, notarıýstar; shaǵyn qarjy uıymdary, saqtandyrý kompanııalary, lombardtar, aıyrbastaý pýnktteri; aqparattyq-kommýnıkasııalyq tehnologııalar kompanııalary.
Sondaı-aq, búginnen bastap Nur-Sultan men Almatydan Qyzylordaǵa, Petropavlǵa, О́skemenge jáne Semeıge áýe qatynastaryn qaıta jandanady.
Sonymen qatar, 4 mamyrdan bastap dalada sportpen shuǵyldanyp, jattyǵý jasaýǵa ruqsat etiledi.
Aıta keteıik, bul sheshimder Premer-Mınıstr Asqar Mamınniń tóraǵalyǵymen Prezıdent janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń kezekti otyrysynda qabyldanǵan bolatyn.