«Nur Otan» HDP Qostanaı oblystyq fılıaly janyndaǵy Sybaılas jemqorlyqqa qarsy kúres jónindegi qoǵamdyq keńes otyrysynda oblystyq ishki ister departamenti men onyń bólimshelerinde 2011-2012 jyldary jáne bıylǵy 7 aıdaǵy sybaılas jemqorlyqqa qarsy kúres jumystarynyń barysy qaraldy.
«Nur Otan» HDP Qostanaı oblystyq fılıaly janyndaǵy Sybaılas jemqorlyqqa qarsy kúres jónindegi qoǵamdyq keńes otyrysynda oblystyq ishki ister departamenti men onyń bólimshelerinde 2011-2012 jyldary jáne bıylǵy 7 aıdaǵy sybaılas jemqorlyqqa qarsy kúres jumystarynyń barysy qaraldy.Kópshilik polıseılerdi tártip saqshylary dep biledi. Degenmen, polıseılerdiń qyzmet babyn «barmaq basty, kóz qysty» áreketke paıdalanýy jáne tártip buzýy bylaı tursyn, iri qylmystarǵa jol berýi olarǵa qatysty qoǵamnyń, adamdardyń tynyshtyǵyn kúzetetin, memleket múddesine adal jandar degen túsinikti joq qylǵandaı bolady. Máselen, ústimizdegi jyldyń 7 aıynda polıseıler jasaǵan 8 qylmystyq istiń altaýy sotqa jiberilgen. Olardyń barlyǵyna sybaılas jemqorlyqqa baılanysty kiná taǵylyp otyr. О́tken jyly osy merzimde mundaı 5 qylmys qaralǵan eken. Osylaısha jyldan jylǵa polıseılerdiń qylmys jasaýynyń azaımaýy jurtshylyqty alańdatyp otyr. Buǵan dálel óte kóp.
Sonyń biri Qostanaı qalasynyń mamandandyrylǵan aýdanaralyq qylmystyq soty esirtki bıznesi jáne qylmystyq polısııa bólimshesiniń 10 polıseıine qatysty isti qarap jatyr. Olar oblys kóleminde asa iri kólemde geroındi saqtap, taratyp otyrǵan. Muny bıylǵy eń «dabyrly» istiń biri dep aıtýǵa bolady. Sondyqtan da bolsa kerek, Qostanaı oblysy IID ózindik qaýipsizdik basqarmasynyń bastyǵy J.Aqberdıev polıseılerdiń esirtkimen baılanysty qylmystyq isin terrorızmmen qatar qoıýǵa bolatynyn jasyrmaı aıtty. Soǵan sáıkes sybaılas jemqorlyǵy úshin 34 basshy polıseı jazasyn aldy. О́zderi jol erejesin buzǵany úshin 105 polıseı zań aldynda jaýap berdi. Tártiptik keńeste polısııanyń 21 qyzmetkerine qatysty 7 is qaralǵan. Alaıda, polıseılerdiń aılyq jalaqysy aıtarlyqtaı kóterilse de, olardyń arasynda para alý, qylmysqa barý oqıǵalary tyıylmaı otyr. Al olardyń tártip buzýy men qylmysqa beıim turýy memleket pen qoǵamnyń bolashaǵyna qater tóndireri anyq.
Názıra JÁRIMBETOVA,
«Egemen Qazaqstan».
QOSTANAI.