Venesýela prezıdenti Nıkolas Madýro BUU Bas Assambleıasyna barmaq bolǵan óz ákimshiliginiń jetekshisi Vılmer Barrentosqa AQSh bıligi tarapynan vıza berilmeýine narazylyq bildirdi. Bul týraly ITAR-TASS habarlady.
«Biz AQSh-qa saıahatshy retinde barmaımyz, Venesýela delegasııasy iri halyqaralyq uıymnyń jumysyna qatyspaqshy, – dedi Nıkolas Madýro. Sonymen birge, ol AQSh-tyń Barrentosqa vıza berý máselesin sheshpegen jaǵdaıda, Venesýela tarapynan dıplomatııalyq úlgide qatań sharalar qoldanylatynyn alǵa tartty.
Búgin Venesýela syrtqy ister mınıstri Nıkolas Madýronyń ushaǵyna Pýerto-Rıko memleketiniń áýe keńistiginen ushyp ótýine AQSh-tyń tıym salǵanyn málimdedi. «Pýerto-Rıko AQSh-qa táýeldi aımaq, alaıda ol Amerıkanyń ajyramas bóligine jatpaıdy», – dedi syrtqy ister mınıstri. Ol sondaı-aq bul áreketti AQSh tarapynan kórsetilip otyrǵan «agressııa» dep esepteıtinin aıtty.
Aıdar О́risbaev.