Sharaına
Amerıkalyq dıplomat Sırııa oppozısııasynyń kómegimen Sırııa prezıdenti Bashar Asad rejimine kiná taǵýǵa kýá bolatyn málimetter jınaǵan. Bul jerde másele B.Asadtyń áskerı qylmystarǵa qatysy bar ekendiginde bolyp otyr.
AQSh dıplomaty Stıven Rapptyń málimdeýinshe, AQSh Bashar Asadqa qarsy qylmystyq is qozǵaý úshin materıaldar jınap jatyr. Osyǵan baılanysty sırııalyq toptar arnaıy oqýdan ótken. Olar qajetti aqparattar jınaýmen aınalysady. Qazirdiń ózinde 200 myń betten astam materıal jınalǵan kórinedi. Onymen Eýropa aýmaǵynda sarapshylar tanysypty. Osy materıaldar Sırııa basshysyn sotqa tartýǵa jetedi delinip otyr.
Sharaına
Amerıkalyq dıplomat Sırııa oppozısııasynyń kómegimen Sırııa prezıdenti Bashar Asad rejimine kiná taǵýǵa kýá bolatyn málimetter jınaǵan. Bul jerde másele B.Asadtyń áskerı qylmystarǵa qatysy bar ekendiginde bolyp otyr.
AQSh dıplomaty Stıven Rapptyń málimdeýinshe, AQSh Bashar Asadqa qarsy qylmystyq is qozǵaý úshin materıaldar jınap jatyr. Osyǵan baılanysty sırııalyq toptar arnaıy oqýdan ótken. Olar qajetti aqparattar jınaýmen aınalysady. Qazirdiń ózinde 200 myń betten astam materıal jınalǵan kórinedi. Onymen Eýropa aýmaǵynda sarapshylar tanysypty. Osy materıaldar Sırııa basshysyn sotqa tartýǵa jetedi delinip otyr.
Shyǵyn kólemi – 27 mıllıon rýbl
Reseıdiń tergeý komıteti Amýr oblysyndaǵy Shımanovsk sý bógetiniń buzylýyna baılanysty qylmystyq is qozǵady. Tergeýshilerdiń aıtýyna qaraǵanda, jergilikti sheneýnikter onda jóndeý júrgizbegen, tasqyn sý kelgen kezde bóget buzylǵan.
Bógettiń buzylýy saldarynan Shımanovsk qalasyndaǵy 328 adam turatyn 69 úı sý astynda qalǵan. Sonyń kesirinen turǵyndardyń 27 mıllıon rýblge jýyq dúnıe-múlki paıdalanýǵa jaramsyz bolyp qalyp otyr. Tergeýshiler, sondaı-aq Evreı avtonomııalyq oblysyndaǵy taǵy bir sý bógetiniń qurylysyna qatysty qylmystyq is qozǵaǵan. О́ıtkeni, atalǵan sý bógetteri tolyqtaı qaıta jóndeýden ótkizilmegen eken. Al oǵan qajetti qarajat túgel tólenipti.
Qýat kózderiniń normasy qysqardy
Túrkimenstan basshylyǵy turǵyndarǵa beriletin tegin elektr energııasy men gazdyń normasyn qysqartty. Túrkimenstandyq BAQ-tardyń jazýynsha, endi turǵyndardyń árqaısyna aıyna 25 kvt/saǵat elektr energııasy tegin beriledi. Buǵan deıin onyń mólsheri 35 kvt/saǵat bolatyn.
Munyń sebebi, elektr energııasyn tasymaldaıtyn sheteldikterde jatsa kerek. Onyń ústine sońǵy jyldary bul elde elektr energııasy men kógildir otyndy paıdalanýshylardyń artyp bara jatqanyna baılanysty eken. Aıta keteıik, respýblıka turǵyndaryna tegin beriletin áleýmettik paket kólemin burynǵy prezıdent Saparmurad Nııazov engizgen edi.
Jýrnalıstiń úıinen 30 granata tabyldy
Ázerbaıjandyq «Bızım ıol» gazetiniń jýrnalısi Parvız Hashımlı tutqynǵa alyndy. Oǵan zańsyz qarý satyp aldy jáne qarýdy saqtady degen aıyp taǵylyp otyr.
Derek kózderine qaraǵanda, eldiń ulttyq qaýipsizdik qyzmetiniń qyzmetkerleri onyń úıine tintý júrgizgen kezde tapansha jáne 30 granata tabylǵan. Tintý barysynda, sondaı-aq kompıýteri men onyń birqatar jeke zattary da alynǵan eken. Parvız Hashımlıdiń zaıybynyń aıtýynsha, tabylǵan bul qarýdyń barlyǵyn quqyq qorǵaý organdarynyń qyzmetkerleri ádeıi tastap ketken. Al jýrnalıstiń ózi aldyn ala tutqyndalypty. Tintý «Bızım ıol» gazetiniń redaksııasyna da júrgizilgen sııaqty. Jýrnalıst ózine taǵylǵan aıypty moıyndamaı otyr.
Opat bolǵandar qatary 80-nen asty
Sońǵy kúnderi Meksıka aýmaǵynda tolassyz jaýǵan nóser saldarynan opat bolǵan adamdar sany 80-nen asqan. Keıbir málimetter boıynsha, jazym bolǵandar qatary budan asyp ketýi múmkin.
О́ıtkeni, jer kóshýiniń kesirinen Atoıak aýdanyndaǵy taýly eldi mekende 30-ǵa jýyq úı kóshkin astynda qalyp otyr. Sol úılerdi arshyp alý qajet. Onyń ústine Tynyq muhıty jaǵasyndaǵy Akapýlko kýrortty qalasynda 40 myńǵa jýyq týrıst usha almaı otyrǵany jáne bar. Sońǵy táýlikte olardyń 5 myńdaıy ǵana ushyp shyqqan. Bul elde birneshe kúnnen beri jaýyn basylmaı tur.
Antıfashıster sherýge shyqty
Grekııanyń birqatar qalalarynda ótken qarsylyq aksııasy kezinde qoǵamdyq tártipti buzǵandary úshin polısııa 30-ǵa jýyq adamdy qamaýǵa alǵan. Bul jóninde «Frans-press» agenttigi habarlady.
Osy agenttiktiń aqparattary boıynsha, qarsylyq aksııasy, ásirese, el astanasy – Afına qalasynda ótken. Oǵan 5 myńǵa jýyq, al eldiń soltústigindegi Salonıka qalasyndaǵy aksııaǵa 6 myńnan astam adam qatysqan. Aksııaǵa qatysýshy antıfashıster «Fashısterdiń kózin joı!» dep aıqaılap, «Fashızmge eshqashan jol joq» degen plakattar alyp shyǵypty. Qarsylyq aksııasyn uıymdastyrýǵa sársenbige qaraǵan túni Afına qalasynda 34 jastaǵy Pavlos Fıssastyń óltirilýi sebep bolsa kerek.
Qysqa qaıyryp aıtqanda:
*Egıpet áskerleri men polısııasy Kaır mańyna jaqyn ornalasqan Kardas eldi mekenindegi ıslamshylarǵa qarsy operasııa bastady. Jer ústi operasııasyna áýeden áskerı tikushaqtar qoldaý kórsetýde.
*Nemis bıznesmeni Frans Zedelmaıer sot arqyly Reseıden 1 mıllıon eýro óndirip aldy. Ol endi taǵy 5,5 mıllıon eýro óndirýge nıettenip otyr.
*О́zbekstannyń maqtalyq alqabynda stýdentter arasynda tóbeles shyqqan. Sonyń saldarynan bir stýdent qaza taýyp, úsh stýdent pyshaq jaraqatyn alypty. Tóbeles joǵary kýrs stýdentteriniń álimjettik kórsetýinen oryn alǵan kórinedi.
*Grýzııa prezıdenti Mıhaıl Saakashvılı reseılikterdi «basqynshylar» dep aıyptady. Ol «sońǵy birneshe aıda reseılik basqynshylar Grýzııanyń 400 gektardan astam jerin ıelenip ketti» dep otyr.
Internet materıaldary negizinde ázirlendi.