Sý tasqynynan zardap shekken Maqtaaral aýdanyna «Salıqaly urpaq» qoǵamdyq qory atynan 20 tonna azyq-túlik kelip jetti.
Kómektiń ishinde azyq-túlikten bólek, 18 túrli jeke bas gıgıenasyna qajetti zattar men balalarǵa arnalǵan táttiler de bar. «Osyndaı qıyn jaǵdaıdy estip, bilip otyryp, áreket jasamaý azamattyǵymyzǵa syn dep esepteımin. Maqtaaral halqyna Alla sabyr men tózimdilik bersin! Bul qıyndyqty da qazaq halqy aýyzbirshilik pen yntymaqtyń arqasynda eńseretinine senimdimin. Búgingi kómekke óz úlesterin qosqan barsha qaıyrymdy jandarǵa shynaıy alǵysymyzdy bildiremiz», dedi atalmysh qor múshesi, Almaty qalasy máslıhatynyń depýtaty, belgili kásipker Qaırat Qudaıbergen.
«Salıqaly urpaq» qoǵamdyq qorynan kelgen 20 tonna júk túgelimen Atakent kentinde ornalasqan arnaıy qoımaǵa túsirildi. Qordyń Maqtaaral aýdanyna degen kómegi munymen shektelgen joq. Qaırat Qudaıbergen qor atynan «Túrkistan» korporatıvtik áleýmettik damý qoryna 200 mln teńge aýdarylǵanyn da jetkizdi.
Túrkistan oblysy