Keńesti Qazaqstan halqy Assambleıasy Tóraǵasynyń orynbasary – Hatshylyq meńgerýshisi Eraly Toǵjanov ashyp, júrgizip otyrdy. Kún tártibinde qaralǵan másele «Qazaqstan-2050» Strategııasy, QHA-nyń 2020 jylǵa deıingi damý tujyrymdamasy, HH sessııa aıasyndaǵy Ǵylymı-sarapshylyq keńesi jáne onyń jańa mindetteri» dep ataldy.
Kún tártibi boıynsha alǵashqy sózdi Memlekettik hatshy Marat Tájın aıtty. Ol óziniń sózinde Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynda QHA-nyń 2020 jylǵa deıingi damý tujyrymdamasyna júkteletin mindetter men memlekettik etnosaıasatty ǵylymı-sarapshylyq súıemeldeý jumystary aıqyndalǵanyn atap kórsetti.
Keńesti Qazaqstan halqy Assambleıasy Tóraǵasynyń orynbasary – Hatshylyq meńgerýshisi Eraly Toǵjanov ashyp, júrgizip otyrdy. Kún tártibinde qaralǵan másele «Qazaqstan-2050» Strategııasy, QHA-nyń 2020 jylǵa deıingi damý tujyrymdamasy, HH sessııa aıasyndaǵy Ǵylymı-sarapshylyq keńesi jáne onyń jańa mindetteri» dep ataldy.
Kún tártibi boıynsha alǵashqy sózdi Memlekettik hatshy Marat Tájın aıtty. Ol óziniń sózinde Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynda QHA-nyń 2020 jylǵa deıingi damý tujyrymdamasyna júkteletin mindetter men memlekettik etnosaıasatty ǵylymı-sarapshylyq súıemeldeý jumystary aıqyndalǵanyn atap kórsetti.
Sonyń ishinde kóptegen áleýmettik faktorlardyń halyqtyń sanasyna jasaıtyn túrli áserine toqtaldy. Ásirese, dinı faktordyń áseri týraly aıta kelip: «Etnosaralyq jáne konfessııaaralyq qatynastar bir-birimen tyǵyz baılanysty ǵana emes, sonymen qatar, dinshildiktiń óse túsýi etnostar men ishki saıası ahýalǵa da qatty áser etetinin esten shyǵarmaý kerek», dedi ol. M.Tájınniń aıtýynsha, bul istermen bizde tikeleı eshkim de aınalyspaıdy eken. Tek sosıologııalyq zertteýlermen ǵana shektelip júr ekenbiz. Sondyqtan etnosaralyq jáne dinaralyq qatynastardyń ózara qarym-qatynasyn zertteý, túsiný búgingi kúni sarapshylyq keńesiniń aldynda turǵan mańyzdy mindetterdiń biri, dedi Memlekettik hatshy. Sonymen birge, etnostardyń damý barysy týraly ǵylymı ádebıetterdiń tapshy ekendigin de tilge tıek etti.
Memlekettik hatshynyń nazar aýdarýdy talap etken baǵyttarynyń biri ishki mıgrasııaǵa qatysty boldy. Ol qalaǵa kóship kelgen aýyl turǵyndarynyń shahar ómirine beıimdelýin qadaǵalaý da mańyzdy máselelerdiń biri ekenin atap ótti. Kóshi-qon máselesi, ásirese, etnostyq mıgranttardyń boljaldy strategııasyn búginnen qalmaı túsinýimiz kerek. О́ıtkeni, ishki kóshi-qon máselesi etnosaıasatqa tikeleı qatysty ekenin umytpaıyq. Biz ǵana emes, ýrbanızasııa kezeńin bastan keshirip otyrǵan barlyq polıetnosty memleketter aýyl turǵyndaryn qala ómirine beıimdeý problemasymen ushyrasqan jáne ushyrasyp otyr. Sondyqtan olardyń tájirıbesin úırený – bizdiń mindet. Sol elderdiń kóbi bul úderisten 70-90-jyldary ótip ketti, al biz áli de bastan keshýdemiz, dedi M.Tájın.
Memlekettik hatshynyń kóńil aýdarǵan máseleleriniń biri qoǵamnyń polıetnostyǵy boldy. Bul –memlekettik saıasattyń asa úlken jaýapkershilikpen qaraıtyn aımaǵyna jatatyn másele, dedi ol osy oraıda. Polıetnostyq – álem memleketteriniń kóbine tán qubylys. Ásirese, Japonııadan basqa damyǵan elderdiń bárinde solaı. Osynaý áleýmettik fenomen adamzat qarym-qatynasynyń barlyq salasyna boılap engen. Sondyqtan ishki saıasat onyń mańyzdy faktor ekenin esten shyǵarmaýy kerek. Bul – memlekettik saıasattyń ótkir máseleleriniń biri.
Otyrys barysynda memlekettik organdar men QHA-nyń Ǵylymı-sarapshylyq keńesiniń «Qazaqstan-2050» Strategııasy, QHA-nyń 2020 jylǵa deıingi damý tujyrymdamasy jáne QHA-nyń HH sessııasynyń mindetteri aıasyndaǵy etnosaıasatty ǵylymı-taldaýdy qamtamasyz etý; ulttyq tarıhty zertteý jónindegi mindetter; til saıasaty jáne t.b. máseleler talqylandy.
Keńes jumysyna Prezıdent Ákimshiliginiń basshylyǵy, Parlament depýtattary, memlekettik organdar ókilderi, Ǵylymı-sarapshylyq keńestiń jáne oblystardaǵy ǵylymı-sarapshylyq toptardyń músheleri, ǵylymı jáne shyǵarmashylyq ıntellıgensııa men BAQ ókilderi qatysty.
Osy otyrystyń jumysy tústen keıin L.N.Gý