Koronavırýs pandemııasyna qaramastan Belarýs elinde fýtboldan ishki birinshilik jalǵasyp jatyr. Bul – Eýropada ótip jatqan jalǵyz fýtbol chempıonaty. Dese de elde pandemııaǵa baılanysty oıyndardy ýaqytsha toqtatý týraly talqylaýǵa tyıym salynǵan.
Bul týraly «Vıtebsk» klýbynyń qorǵaýshysy Oleg Karamýshka málimdedi. Bapkerler tarapynan fýtbolshylarǵa chempıonatty toqtatý týraly talqylaýǵa, sóılesýge bolmaıtynyn qatań eskertken.
«Chempıonat basynda birinshilikti ýaqytsha toqtata turý týraly áńgime taraǵan-dy. Biraq keıinnen tynyshtalyp qaldy. Bapkerler bizge bul taqyrypty talqylaýǵa tyıym saldy. Degenmen sanıtarlyq talaptardy saqtaýdy, kıim aýystyrý bólmesinde qolymyzdy antıseptıkpen jıi óńdeýdi talap etip otyr. Sondaı-aq ýaqytsha qol alyspaýǵa da kelistik», deıdi ol.
Búginde Belarýs chempıonatynda 7 týr oınalǵan. «Vıtebsk» komandasy 10 upaımen 8-orynda keledi.