Aqtóbe qalasyndaǵy №14 «Qonjyq» balalar baqshasynyń esepshisi ústinen oblystyq prokýratýra qylmystyq is qozǵady.
Munyń mánisi mynada eken. Quqyq qorǵaý qyzmetkerleri osy balalar baqshasyn tekserý barysynda ondaǵy 67 mln. teńgeniń qoldy bolǵanyn anyqtaǵan. Naqty aıtqanda, ata-analardyń balalary úshin bergen tólemaqylary kiriske alynbaǵan jáne barlyq toptyń balalary memleket tarapynan bólingen qarajatty belgilengen mólsherden qysqartyp jumsaý arqyly tamaqtandyrylyp kelgen.
Alaıda, búginde balalar baqshasynyń meńgerýshisi zeınetke shyǵyp ketipti. Al esepshi bolsa, bala kútimine baılanysty úıinde otyr eken. Dál osyǵan uqsas jaǵdaı qaladaǵy №6 «Orman ertegisi» balalar baqshasynda da oryn alǵan.
Qazir osy keleńsizdikterge baılanysty qylmystyq is qozǵalyp, tergeý amaldary júrgizilýde.
Danııar TÚIMEBAI.