2015-2019 jyldarǵa arnalǵan «Nurly jol» memlekettik baǵdarlamasy aıasynda jylýmen, sýmen jabdyqtaý jáne sý burý júıelerin qaıta qurý jáne salý boıynsha jobalar iske asyrylyp, 2020 jylǵa deıin jelilerdiń tozýyn 67%-dan 57%-ǵa deıin tómendetý kózdeldi.
Osy jyldar aralyǵynda 418 jobany iske asyrý úshin 267,1 mlrd teńge bólindi. Jylýmen, sýmen jabdyqtaý jáne sý burý jelileriniń 3 483 shaqyrymy, 24 qazandyq, sorǵy stansalary, sý tazartý qurylystary, ortalyq jylý pýnktteri sııaqty basqa da 88 nysan salyndy jáne qaıta jańartyldy.
О́tken jyldyń sońyna qaraı jelilerdiń tozýy 57%-ǵa deıin tómendedi. Jáne bul baǵytta qurylys-montaj jumystary jalǵasýda.
2020 jyly jylý, sýmen jabdyqtaý jáne sý burý boıynsha 6 jobany iske asyrý josparlanyp otyr. Oǵan 9,4 mlrd teńge nesıe qarajat bólý kózdelgen.
Qazirgi ýaqytta Atyraý jáne Qaraǵandy oblysy ákimdikterimen nesıelik sharttar jasaldy. Aldaǵy mamyr-shilde aılarynda qarjylandyrý josparyna sáıkes Batys Qazaqstan jáne Qyzylorda ákimdikterimen de osyndaı shart jasaý josparlanyp otyr.
Jalpy alǵanda 25 shaqyrymdaı ınjenerlik jelilerdi qaıta qurý jáne salý josparlanǵan. Onyń ishinde 5,5 shaqyrym jylý jelileri, 15,8 shaqyrym sýmen jabdyqtaý jelileri jáne 3,7 shaqyrym sý burý jelileri, sondaı-aq bir kárizdik tazartý kesheniniń qurylysy bar.
Jumystardy 2021 jyldyń sońyna qaraı aıaqtaý belgilengen. Nátıjesinde, jelilerdiń tozýy 55%-ǵa deıin tómendeýi tıis.