2011 jyly elimizde jáne óńirde tikushaq salasyn damytý maqsatynda Qazaqstan Respýblıkasynyń Tuńǵysh Prezıdenti – Elbasy N. Nazarbaevtiń bastamasy boıynsha «Eýrokopter Qazaqstan ınjınırıng» JShS («Qazaqstan ınjınırıng» UK» AQ jáne «Airbus Helicopters») birlesken kásipornyn qurdy. Bul týraly IIDM baspasóz qyzmeti habarlady.
«Eýrokopter Qazaqstan ınjınırıng» JShS - TMD men Ortalyq Azııadaǵy N145, N130, N125 tikushaqtaryn iri-toraptyq qurastyrýmen, Qazaqstan Respýblıkasynda jáne dıstrıbıýtorlyq aımaqta (Reseı, Qyrǵyzstan, Tájikstan jáne Mońǵolııa) ushý-tehnıkalyq quramǵa tehnıkalyq qyzmet kórsetýmen, jóndeýmen jáne oqytýmen aınalysatyn jalǵyz kásiporyn.
Kásiporyn qurylǵannan beri ishki jáne syrtqy naryqqa arnap 30-dan astam tikushaq jınaldy.
Zaýyt bazasynda ushý jaramdylyǵyn qoldaý, tikushaqtardy jóndeý jáne tehnıkalyq qoldaý boıynsha bilikti qyzmet kórsetý jónindegi servıstik ortalyq quryldy. Ortalyq joǵary tehnologııalyq jabdyqtardy usynady. Kásiporyn qoımasynda qosalqy bólshekter men quraldardyń qoljetimdiligin qamtamasyz etedi. Sertıfıkattalǵan mamandar júzege asyratyn jedel qyzmet kórsetý sapasynyń, ónimdiliktiń jáne qaýipsizdiktiń joǵary deńgeıine kepildik beredi.