Nur-Sultanda karantın rejiminiń talaptaryna nemquraıly qaraǵandyqtan, bir otbasynyń (alty adam): erli-zaıyptylar, bir aı men 5 jastaǵy eki bala, eki egde jastaǵy adam koronavırýs ınfeksııasyn juqtyrdy. Bul týraly Nur-Sultan qalasy ákimdiginiń baspasóz qyzmeti habarlady.
«Barlyq otbasy múshelerinde koronavırýs ınfeksııasy anyqtaldy. Olar sanıtarlyq normalardy saqtamaı, karantın rejımin buzǵandaryn aıtty. Qazirgi tańda barlyǵy em alyp jatyr. Barlyq turǵyndardy óz densaýlyǵy men jaqyndarynyń densaýlyǵyn oılap, jaǵdaıǵa nemquraıly qaramaýǵa shaqyramyz. Karantındik sharalardy jeńildetý - úırenshikti ómirge qaıta oralý emes. Sanıtarlyq normalardy qatań saqtaý qajet. Maska kıip, qoldy sabynmen muqııat jýyp/antıseptıkpen óńdep, bólme aýasyn jeldetip turý qajet. Qonaq shaqyrýǵa ne qonaqqa barýǵa bolmaıdy» dep atap ótti Nur-Sultan qalasy ákimdiginiń Qoǵamdyq densaýlyq saqtaý basqarmasy.