Elorda ákimdigi men memlekettik akademııalyq fılarmonııa Uly Otan soǵysy ardagerlerine erekshe mýzykalyq syı jasady. Tótenshe jaǵdaı rejımine baılanysty olarǵa arnap basqosý uıymdastyrý múmkindigi bolmaǵan soń, ártister qarttardy jeke-jeke quttyqtap shyǵýǵa sheshim qabyldady. Memlekettik akademııalyq fılarmonııanyń úrmeli aspaptar orkestriniń mýzykanttary ardagerlerdiń aýlalarynda áskerı ánder shyrqady.
Orkestr menedjeri Iýlııa Zaıchıkovskaıanyń aıtýynsha, quttyqtaý mundaı formatta alǵash ótýde.
«Meniń oıymsha, bul mundaı jaǵdaıda oılap tabylǵan eń jaqsy joba. Jalpy, bizde Uly Otan soǵysynyń 44 ardageri bar. Biraq búgin bar bolǵany 34-ine baramyz, óıtkeni keıbiri úılerinde joq», – dep túsindirdi Iý.Zaıchıkovskaıa.
Shara kórermenderi – UOS ardagerleri kózine jas alyp, mýzykanttarǵa alǵys bildirdi.
«Búgin maǵan osyndaı merekelik kóńil-kúı syılaǵandaryńyzǵa úlken rahmet. Jeńis bizdiń kópultty halqymyzǵa qandaı qıyndyqpen kelgenin bilesizder. Soǵys barlyq otbasyna áser etti», – dedi Uly Otan soǵysynyń ardageri Aleksandr Babıchev.
Aıta keteıik, Uly Otan soǵysyndaǵy Jeńistiń 75 jyldyǵy merekesine oraı Nur-Sultanda 3688 adam birjolǵy aqshalaı tólem aldy. Tólemniń jalpy somasy 180,9 mln teńgeni qurady. 44 soǵys ardagerleri men múgedekterine 1 mln teńgeden, soǵys ardagerleri men múgedekterine teńestirilgen 410 adamǵa 75 myń teńgeden berildi. Sonymen qatar jeńildikter men kepildikter boıynsha soǵys ardagerlerine teńestirilgen (qaıtys bolǵan áskerı qyzmetshilerdiń otbasylary), sondaı-aq tyl eńbekkerlerine – 3234 adamǵa 32,5 myń teńgeden tólendi.