Elbasy – alǵashqy delegat

«Nur Otan» partııasynyń XV sezine delegattar tizimin partııa Tóraǵasy N.Á.Nazarbaev bastady

Keshe «Nur Otan» HDP Astana qalalyq fılıa­lynyń XVIII konferensııasynda Elbasy, «Nur Otan» partııasynyń Tór­aǵasy N.Á.Nazarbaev par­tııanyń XV seziniń alǵash­qy delegaty bolyp saılandy.

«Nur Otan» partııasynyń XV sezine delegattar tizimin partııa Tóraǵasy N.Á.Nazarbaev bastady

Keshe «Nur Otan» HDP Astana qalalyq fılıa­lynyń XVIII konferensııasynda Elbasy, «Nur Otan» partııasynyń Tór­aǵasy N.Á.Nazarbaev par­tııanyń XV seziniń alǵash­qy delegaty bolyp saılandy.

Keshe Astanada «Nur Otan­­nyń» qalalyq partııa konfe­ren­sııasy ótkizildi. Onda «Qa­zaq­stan-2050» Stra­tegııasyn júzege asyrýdaǵy «Nur Otan» par­tııa­synyń jańa min­detteri, «Nur Otan. Nurly bolashaq jolyn­da!» jańa Saıası doktrınasy tal­qy­landy.

Is-sharaǵa «Nur Otan» partııa­sy Tóraǵasynyń birinshi orynbasary Baýyrjan Baıbek, Astana qa­lasynyń ákimi, partııanyń As­tana qalalyq fılıalynyń tóra­ǵa­sy Imanǵalı Tasmaǵambetov, Par­lament Senatynyń depýtaty Vladımır Redkokashın, Parla­ment Májilisiniń depýtaty Nadejda Petýhova, Astana qala­lyq máslıhatynyń depýtattary, qalalyq fılıal bastaýysh partııa uıymdarynyń tóraǵalary, partııa aktıvi, «Jas Otan» jastar qanatynyń Astana qalasyndaǵy jas belsendileri qatysty.

Astanadaǵy partııalyq konferensııa respýblıka kóleminde «Nur Otannyń» XV sezine delegattar saılaǵan alǵashqy óńirlik konferensııa boldy. Osyndaı konferensııalar Qazaqstannyń barlyq óńirlerinde ótkiziledi dep josparlanǵan jáne apta sońynda sezd delegattarynyń qorytyndy tizimi qalyptastyrylatyn bolady.

Jalpy, Astana qalalyq fılıalynan partııa sezine 100 dele­gat saılandy. Alǵashqy dele­gat retinde Elbasy, «Nur Otan» partııasynyń Tóraǵasy N.Á.Na­zar­baev saılandy.

Konferensııaǵa qatysýshylar keshe sondaı-aq, «Nur Otannyń» jańa Saıası doktrınasynyń jo­basyn tal­qy­lady. Onyń ishin­de Qazaqstan Pre­zıdentiniń «Qa­zaqstannyń áleý­mettik jań­ǵyr­tylýy: Jalpyǵa Or­taq Eńbek Qoǵamyna qaraı jıyr­ma qadam» baǵdarlamalyq maqa­lasyna baılanysty eńbek adamy uǵymyn kúsheıtýge qatysty usynystar kelip tústi. Sonymen qatar, qa­ty­sý­shylardyń pikirinshe, par­tııa­­nyń strategııalyq qujaty, eń al­dymen, qazaqstandyqtardyń ós­ke­leń urpaǵyna úılestirilgen bolýy kerek.

Konferensııa barysynda ta­ǵy bir kóterilgen másele №2 saı­laý okrýgi boıynsha «Nur Otan» qalalyq fılıaly tarapy­nan máslıhat depýtattyǵyna kan­dı­dattar usyný máseleleri qaras­tyrylady.  

2013 jylǵy 18 qazanda «Nur Otan» partııasynyń XV sezi ótki­ziledi. Delegattar sany eki esege ulǵaıyp, Qazaqstannyń bar­lyq óńirlerinen 1200-ge jýyq adam qatysady. Sezd eki kúnge jal­ǵasady: alǵashqy kúni seksııalyq tal­qy­laýlar, ekinshi kúni, 18 qazan­­da partııa Kóshbasshysy N.Nazar­baevtyń tóraǵalyq etýimen ple­narlyq májilis ótkiziledi.

Láıla EDILQYZY,

«Egemen Qazaqstan».