Qyzylorda oblysynda COVID-19 ınfeksııasyn juqtyrǵan 3 adam týraly aqparat belgili boldy.
Vırýs juqtyrǵandardyń úsheýi de Qyzylorda qalasynyń 1962,1980, 1994 jylǵy turǵyndary.Barlyǵy da koronavırýs ınfeksııasyn juqtyrǵan adammen qarym-qatynasta bolýyna baılanysty karantındik stasıonarǵa jatqyzylyp, zerthanalyq synamalar alynǵan. PTR dıagnostıkalyq zertteý qorytyndysymen COVID-19 dıagnozy qoıyldy.Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde. Aýrý oshaǵynda mamandarmen indetke qarsy is-sharalar uıymdastyrylyp, qarym-qatynasta bolǵandar anyqtalýda. 10.05.2020 j. jaǵdaı boıynsha óńirde COVID-19 koronavırýs ınfeksııasyn 229 adam juqtyrǵan. Onyń ishinde emdelip shyqqandar sany — 156.