Búginde ishki suranysty qamtamasyz etý úshin taýarlar óndirisin uıymdastyrýǵa baǵyttalǵan sharalar kesheni iske asyrylýda. Bul týraly Úkimette ótken brıfıngte QR ulttyq ekonomıka mınıstri Rýslan Dálenov aıtyp berdi.
Mınıstrdiń aıtýynsha, elimizde «Qarapaıym zattar ekonomıkasy» baǵdarlamasy júzege asyrylyp jatyr.
«Bıyl qarjylandyrý ulǵaıdy, qosymsha 400 mlrd teńge bólinedi, qarajat AО́K salasynda óndirýge jáne qaıta óńdeýge, óńdeý ónerkásibine, kórsetiletin qyzmetterge baǵyttalady. Bárine, óndiriske usynylǵan 133-ten asa qyzmet túrine, azyq-túlik ónimderinen bastap dári-dármekter men jabdyqtarǵa deıin 300-den asa tutynylatyn taýarlarǵa qoldaý kórsetiledi», — dedi R. Dálenov.
Sonymen qosa, nesıeler 10 jyl merzimge beriledi, somasy jaǵynan shekteý joq. Syıaqy mólsherlemesi 6% quraıdy, ol memleket tarapynan sýbsıdııalanady.
«Eger kepilder boıynsha máseleler bolsa, eger kepil jetkilikti bolmasa, onda memlekettik kepildendirýdi alý qarastyrylǵan», — dedi mınıstr.
Jalpy, shaǵyn jáne orta bıznesti qosymsha qarjylandyrýdyń jalpy kólemi bıyl 1 trln teńgeni qurady.
«Onyń ishinde 600 mlrd teńgesi Ulttyq bank jelisi boıynsha - bul aınalym qarajatyn tolyqtyrýdy jeńildikpen qarjylandyrý baǵdarlamasy, onyń mólsherlemesi munda 8% quraıdy, sondaı-aq «Qarapaıym zattar ekonomıkasy» baǵdarlamasy aıasynda 400 mlrd teńge, munda mólsherlemesi 6% quraıdy, sebebi ony memleket sýbsıdııalaıdy», — dedi ol.
Sonymen qatar qosymsha qarjylandyrý «Bıznestiń jol kartasy 2025» aıasynda sýbsıdııalaý úshin eki eselendi, bul jeńildikpen qarjylandyrý qorjynyn ulǵaıtýǵa múmkindik beredi.
Budan basqa, Memleket basshysynyń tapsyrmasymen jańa baǵyt - kásipkerlerdiń basym bóligine - shaǵyn jáne mıkro bızneske jeńildikpen nesıelendirýdi usyný ázirlenýde.
«Sonymen qatar, «Nurly jer», «Nurly jol», О́ńirlerdi damytý baǵdarlamasy, Jumyspen qamtýdyń jol kartasy aıasynda ınfraqurylymdyq jobalar iske asyrylýda. Memlekettik satyp alýlarda qazaqstandyq qamtý sharalary qabyldandy - munyń barlyǵy shaǵyn jáne orta bıznes sýbektilerine tikeleı jáne janama qoldaý kórsetedi», — dep qosty R. Dálenov.