9 mamyrda Almatyǵa Túrkııa Respýblıkasynyń Úkimeti atynan gýmanıtarlyq júk jetkizildi. Onyń ishinde medısınalyq maskalar (150 000 dana), betke arnalǵan qorǵanys ekrandary (50 dana), kózdi qorǵaıtyn kózáınekter (100 dana), kombınızondar (300 dana) jáne dezınfeksııalyq quraldar bar. Bul týraly SIM baspasóz qyzmeti habarlady.
Baýyrlas Túrkııanyń bul qadamy koronavırýs indetimen kúrestegi jahandyq yntymaqtastyqtyń aıqyn kórinisi bolyp tabylady.
Sonymen qatar, 2020 jylǵy 11 mamyrda Túrkııanyń jetekshi farmasevtıkalyq óndirýshisi «Abdi Ibrahim» kompanııasy da COVID-19 koronavırýsymen kúresýde belsendi qoldanylatyn, quramynda hlorokın bar «Kutlu» dárisi men asetılsısteın preparatyn Qazaqstanǵa gýmanıtarlyq qoldaý retinde jibergenin atap ótken jón.
Gýmanıtarlyq júkti medısınalyq mekemeler arasynda taratý úshin biryńǵaı dıstrıbıýtor «SQ-Farmasııa» JShS qabyldap aldy.
Budan buryn Qazaqstanǵa gýmanıtarlyq kómekti YDA Holding, Anadolu Endustri Holding (Coca-Cola Icecek), Nobel Ilac sııaqty basqa da birqatar túrkııalyq ınvestorlar tarapynan jiberilgendigin atap ótken jón.