Elordada 13 mamyrda qalalyq veloprokat qyzmeti iske qosylady; turǵyndarǵa 50 velobeket pen 200 velosıped qoljetimdi bolady.
Bıyl joba úsh kezeńde júzege asyrylady. Maýsym aıynda veloprokat jelisi úsh esege artady – jalpy sany 155 pýnkt iske qosylyp, elorda turǵyndary men qonaqtaryna 700 velosıped qoljetimdi bolady.
Jobanyń maqsaty – avtokólik pen qoǵamdyq kólikke balama retinde elorda turǵyndaryna qozǵalys úshin qoljetimdi kólik usyný.
Velobaıkterdi brendteýde negizgi basymdyq tústerge berilgen. Ashyq-jasyl tús – City Transportation Systems kompanııasynyń brendin, kógildir tús – Nur-Sultan jáne Astanabike logotıpiniń brendin kórsetedi. Sondaı-aq velosıpedterde ashyq kók, kók sheńberler men núktelerdi kórýge bolady.
Jalǵa berý qyzmetin júıege tirkelgennen keıin paıdalanýǵa bolady. Ol úshin www.velobike.kz saıtyna kirip, jarııa sharttyń talaptarymen tanysý jáne óziniń kelisimin rastaý qajet. Qyzmetti 16 jasqa tolǵan tulǵalar tutyna alady.
Veloprokatqa arnalǵan abonementterdi www.velobike.kz saıtynda jáne City Transportation Systems kassalarynda 13 mamyrdan bastap satyp alýǵa bolady. Veloprokat júıesi 24/7 qol jetimdi. Veloprokatqa tarıfter ózgerissiz qalady: Standartty abonementter: aılyq abonement – 2 500 teńge; toqsandyq abonement – 6 000 teńge; maýsymdyq abonement – 10 000 teńge. Jeńildikti abonementter: toqsandyq abonement – 3 000 teńge; maýsymdyq abonement – 5 000 teńge.
Toqsandyq jáne maýsymdyq abonementterge rastaıtyn qujattardy usynǵan kezde 50%-dyq jeńildik beriledi: - jasyna baılanysty zeınetkerler (zeınetaqy kýáligi), - stýdentter (stýdenttik bılet / oqý ornynan anyqtama, kúndizgi oqý túri), - III toptaǵy múgedekter (zeınetaqy kýáligi/múgedektigi týraly anyqtama).
Standartty nemese jeńildikti abonementterden basqa paıdalanýshynyń shotynda 500 teńge bolýy tıis. Eger aqsha taýsylsa – velosıped ekranynda «Qate» shyǵady. 30 mınýtqa deıin velosıpedti shekteýsiz paıdalanýǵa bolady, eń bastysy – standartty abonement satyp alý. 30 mınýttan artyq jol júrý quny jalǵa berý ýaqytyna baılanysty tólemniń bóligin eskere otyryp esepteledi: –30 mınýtqa deıin – abonement qunyna qosylǵan; - 31 mınýttan 60 mınýtqa deıin – 100 teńge; - 61 mınýttan 120 mınýtqa deıin – 250 teńge; - 121 mınýttan 180 mınýtqa deıin – 500 teńge; – 181 mınýttan soń ár saǵatqa – 1 000 teńge.
Táýliktik abonementter: - 1 táýliktik abonement – 3 500 teńge; - 3 táýliktik abonement – 9 000 teńge; - 7 táýliktik abonement – 17 500 teńge. Táýliktik abonementter elorda týrısteri men sheteldikterge arnalǵan. Táýliktik abonementke qol jetkizý úshin www.velobike.kz saıtyna tirkelip, jeke kabınette banktik karta arqyly abonenttik tólem jáne depozıttik kepil engizý qajet. Kepil somasy 37 500 teńgeni quraıdy. Depozıttik kepil – velosıpedti beketke qaıtarý kepili. Jalǵa alý ýaqyty aıaqtalǵannan keıin naqty jalǵa alý somasy esepten shyǵarylady jáne balansty shegerýdi eskere otyryp, depozıttik kepildi onlaın-qaıtarý júzege asyrylady. Turǵyndar Nur-Sultan ákimdiginiń iKomek 109 biryńǵaı baılanys ortalyǵyna qońyraý shalyp, qalalyq veloprokat qyzmeti boıynsha keńes ala alady.
Aıta keteıik, elordada 2014 jyly alǵashqy 40 stansııa men 200 velosıped ornatyldy. City Transportation Systems kassalarynyń meken-jaıy men jumys kestesi: CTS ortalyq kassasy, Qoshqarbaev dańǵyly, 50/1. Jumys kestesi:9: 00-den 18: 00-ge deıin, úzilissiz. Demalys – jeksenbi. «Aqjaıyq» TK, Máńgilik El kóshesi, 19/2 (Almaty kóshesi, №10/2 býtık jaǵynan kirý). Jumys kestesi: 10: 00 den 20: 00 deıin, túski úzilis: 14:00 – 15:00. Demalyssyz. «О́rken» BO, Beıbitshilik kóshesi, 25. Jumys kestesi: dúısenbi men juma aralyǵy: 10:00-den 17: 00-ge deıin, úzilissiz. Senbi kúni – 10:00-den 13: 00-ge deıin, úzilissiz. Demalys – jeksenbi. «Aıtolqyn» SÚ, Músirepov k-si, 4/1. Jumys kestesi: 10: 00-den 20: 00 -ge deıin, túski úzilis – 14:00-den 15:00-ge deıin, demalyssyz.