Halyqaralyq sporttyq quzǵa órmeleý federasııasy (IFSC) Tokıo Olımpıadasyna lısenzııa úlestiriletin eki qurlyqtyq birinshiliktiń ótetin ornyn bekitti, dep habarlaıdy Olympic.kz.
Okeanııada ótetin FSC chempıonaty Sıdneıde (Avstralııa), al Azııa birinshiligi Qytaıdyń Sıamen qalasynda ótedi dep josparlanǵan. Osyǵan deıin Chýnsınde josparlanǵan qurlyqtyq doda koronavırýs pandemııasyna baılanysty keıinge qaldyrylǵan bolatyn.
Azııa chempıonaty 10-13 jeltoqsan kúnderi ótse, Okeanııa boıynsha úzdikter 19-20 jeltoqsan kúnderi anyqtalady. Atalǵan dodalar buǵan deıin bıyl naýryz aıynda ótýi tıis edi. Alaıda, Covid-19 indetiniń álemde órship ketýine baılanysty keıinge qaldyryldy.
Eki chempıonatta da Tokıo Olımpıadasyna eki joldamadan úlestiriledi. Úzdik atanǵan bir er men bir áıel sportshy tórtjyldyqtyń basty básekesine qatysýǵa múmkindik alady.