Búgin memlekettik organdardyń ınternet-resýrstarynda, onyń ishinde eGov.kz portal, «E-lısenzııalaý» jáne «Elektrondyq úkimettiń» barlyq komponentterinde problemalar paıda boldy. Bul týraly «Ulttyq aqparattyq tehnologııalar» AQ baspasóz qyzmeti habarlady.
UQK Memlekettik tehnıkalyq qyzmeti men «Ulttyq aqparattyq tehnologııalar» AQ birlesip, tekserý júrgizdi. Nátıjesinde memlekettik sektordyń ınternet resýrstaryna qatysty memlekettik jáne kvazımemlekettik sektor uıymdarynyń ınternet-resýrstarynyń qoljetimdiligine baılanysty problemalarǵa alyp kelgen sheteldik ınternet segmentinen bólingen DDoS-shabýyl tirkeldi.
Shabýyl Qazaqstandyq ınternet segmentiniń ınternet-resýrstaryna álemniń 48 elinen 550-den astam IP-mekenjaılardan júrgizildi.
«Bul kezeńde resýrstardyń jumysyna shabýyldyń áserin azaıtý jáne ony tolyq buǵattaý boıynsha sharalar qabyldanýda. Bul derbes derekterdiń komprometasııasy anyqtalmaǵanyn qosymsha habarlaımyz» dep málim etti «Ulttyq aqparattyq tehnologııalar» AQ.