Qyrǵyzstan Prezıdenti Sooronbaı Jeenbekov Qazaqstan Prezıdenti Qasym-Jomart Toqaevqa qazirgideı kúrdeli kezeńde qoldaý kórsetip, gýmanıtarlyq kómek bergeni úshin alǵys aıtyp, jedelhat joldady. Bul týraly Prezıdenttiń baspasóz hatshysy Berik Ýálı Facebook paraqshasynda jazdy.
– Osynaý qıyn-qystaý kezeńde baýyrlas qazaq eliniń kórsetken qoldaýyn, sondaı-aq, Ortalyq Azııadaǵy pandemııamen kúreske Qazaqstan tarapynyń qosqan úlesi men kúsh-jigerin joǵary baǵalaımyz. Eki el arasyndaǵy dostyq, tatý kórshilik, odaqtastyq jáne strategııalyq áriptestik aldaǵy ýaqytta da ózara túsinistik negizde damı beredi dep senemin, – delingen jedelhatta.
Sooronbaı Jeenbekov Qasym-Jomart Toqaevqa zor densaýlyq, memlekettik qyzmetine ıgilik, al, baýyrlas qazaq halqyna beıbitshilik pen tabys tiledi.