Bilim jáne ǵylym mınıstrligi Telegram kanalynda Ulttyq biryńǵaı testileýge ótinishter qabyldaý aıaqtalǵanyn habarlady.
Halyq kóp shoǵyrlanǵan jerlerge barýdy boldyrmaý maqsatynda Ulttyq biryńǵaı testileýge ótinishterdi qabyldaý 2020 jyldyń 15 sáýiri men 10 mamyr aralyǵynda onlaın jáne dástúrli túrde ótkizildi.
UBT-ǵa qatysýǵa nıet bildirgen azamattardyń sany – 131 471 adam, onyń ishinde 111 017 adam – bıylǵy oqý jylynyń mektep túlekteri, 20 454 adam – kolledj jáne ótken oqý jyldarynyń mektep túlekteri.
UBT-ǵa qatysýǵa 100 myńnan astam ótinish onlaın túrde berildi.
Odan bólek Qazaqstan Respýblıkasynyń azamaty bolyp tabylmaıtyn ulty qazaq jáne sheteldegi oqý ornyn bitirgen adamdar úshin UBT-2020 qujattardy qabyldaý 2020 jyldyń 15 mamyryna deıin uzartyldy.