Búgin Premer-Mınıstrdiń orynbasary E. Toǵjanovtyń tóraǵalyǵymen ótken Koronavırýs ınfeksııasynyń taralýyna jol bermeý jónindegi vedomstvoaralyq komıssııanyń otyrysynda ekonomıka salalaryn qalpyna keltirýge jáne halyqty jumyspen qamtýǵa baǵyttalǵan birqatar naqty sheshimder qabyldandy.
2020 jylǵy 13 mamyrdan bastap Shymkent, Aqtaý, Oral, Jezqazǵan, Balqash, Úrjar, Zaısan qalalaryna áýe reısteri ashylady.
2020 jylǵy 18 mamyrdan bastap sanıtarlyq talaptarǵa saı jumys isteýge ruqsat beriledi:
- qonaq úılerge;
- syıymdylyǵy 30 adamdyq orynǵa deıingi qoǵamdyq tamaqtaný obektilerine;
- taza aýada qyzmet kórsetetin qoǵamdyq tamaqtaný obektileriniń jazǵy alańdaryna;
Sonymen qatar, aǵymdaǵy jylǵy 18 mamyrdan bastap jalpy ǵımarat kóleminiń 30 paıyzyn ǵana toltyra otyryp sanıtarlyq normalardy saqtaýmen dinı qulshylyq jasaý nysandary jumysqa kirisedi.
2020 jylǵy 1 maýsymnan bastap Memlekettik bas sanıtarlyq dárigerdiń talaptaryn saqtaýdy eskere otyryp, kezeń-kezeńmen ishki temirjol qatynasyn jandandyrý josparlanyp otyr. Bıletter 2020 jylǵy 15 mamyrdan satyla bastaıdy.
Sonymen qatar, sheteldegi Qazaqstan azamattaryn elge qaıtarý máseleleri qaraldy.
Otyrys qorytyndysy boıynsha Premer-Mınıstrdiń orynbasary E. Toǵjanov birneshe naqty tapsyrmalar berdi.