«Embimunaıgaz» AQ qaýipti indettiń taralýyn boldyrmaý maqsatynda vahtalyq aýysymǵa baratyn jumysshylarǵa PTR-test synaǵyn ótkizýdi qolǵa aldy. Bul týraly «Embimunaıgaz» AQ-nyń qoǵammen baılanys qyzmeti habarlady.
Qulsary qalasyndaǵy jumysshylarǵa jasalǵan testtik synaqtyń qorytyndysy boıynsha 12 mamyrda keshki saǵat 21:45-te «Jylyoımunaıgaz» MGО́B-nyń bir qyzmetkerinen koronavırýs ınfeksııasynyń belgisi anyqtaldy. Jylyoı aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna habarlandy. Sol kúni saǵat túngi 24:00-de naýqas mamandyrylǵan stasıonarǵa karantınge jatqyzyldy. Onymen baılanysta bolǵan adamdardyń barlyǵy anyqtalýda. Jylyoı aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmanyń kelisimimen «Jylyoımuanıgaz» MGО́B-da vahta aýysymy jalǵasatyn bolady.
Qazir «Embimunaıgaz» AQ-nyń 1 120 qyzmetkeri PTR-test synaǵynan ótti. Sonymen qatar, vahtalyq kentterdiń qyzmetin qamtamasyz etetin merdiger men servıstik mekemelerdiń qyzmetkerleri de mindetti túrde test synaǵynan ótýde. Mamandardy testtik synaqtan ótkizý sharasy kestege saı Atyraý qalasy men Jylyoı aýdanynyń Qulsary qalasyndaǵy «Olımp» dıagnostıkalyq zerthanasynda dıstansıondyq talapqa saı júrgizilýde. О́ndiristik qurylymdyq bólimshelerdiń jumysshylaryn testten ótkizý úshin jyljymaly zerthana Aqqystaý aýyly, Maqat, Dossor kentterinde, sondaı-aq, Jamansor stansasynda uıymdastyrylýda.