Sońǵy kúnderi Teńiz kenishiniń jumysshylarynyń qaýipti indetti juqtyrýy toqtamaı tur. О́kinishke oraı, búgin taǵy da 25 jumysshydan koronavırýs ınfeksııasynyń belgisi anyqtaldy. Olardyń úsheýi – Úndistannyń azamaty.
Tótenshe jaǵdaı rejımin qamtamasyz etý jónindegi óńirlik jedel shtabtyń málimetinshe, jumysshylar turǵylyqty mekenjaıyna bara aldynda arnaıy testten ótipti.
-Qaýipti indet juqtyrǵan 25 naýqastyń bári – er adam. Arasynda Úndistannyń 3 azamaty bar. Qazir naýqastar ınfeksııalyq stasıonarǵa jatqyzylyp, hattamaǵa sáıkes em qabyldaýda. Indet oshaǵynda dezınfeksııa jasalyp jatyr. Naýqastarmen baılanysta bolǵan adamdar dárigerler baqylaýyna alyndy, - dep aqparat taratty óńirlik jedel shtab.
Búgin Atyraý oblysynda qaýipti indettiń «qarmaǵyna» ilingen adamdardyń sany 457-ge jetip otyr. Al, 127 adam koronavırýsty jeńip shyqty.