Qazaqstan Respýblıkasy Ulttyq ǵylym akademııasynyń akademıgi, tarıh ǵylymdarynyń doktory, professor, belgili qoǵam qaıratkeri, joǵary mekteptiń isker uıymdastyrýshysy, jany jaısań jaqsy azamat Toqmuhamed Sálmenuly Sadyqov kózi tiri bolsa, bıyl 75 jasqa tolar edi. Ýaqyt degen netken júırik, synap syndy syrǵyp óte shyǵady eken. Ol kisiniń ómirden ótkenine de tórt jyldan asyp qalypty. Biraq Toqtar Sálmenulynyń (ol kisini el Toqmuhamed demeı Toqtar, Toqa deýshi edi) jarqyn beınesi áli de kóz aldymyzdan kómeskilene qoıǵan joq.
Qazaqstan Respýblıkasy Ulttyq ǵylym akademııasynyń akademıgi, tarıh ǵylymdarynyń doktory, professor, belgili qoǵam qaıratkeri, joǵary mekteptiń isker uıymdastyrýshysy, jany jaısań jaqsy azamat Toqmuhamed Sálmenuly Sadyqov kózi tiri bolsa, bıyl 75 jasqa tolar edi. Ýaqyt degen netken júırik, synap syndy syrǵyp óte shyǵady eken. Ol kisiniń ómirden ótkenine de tórt jyldan asyp qalypty. Biraq Toqtar Sálmenulynyń (ol kisini el Toqmuhamed demeı Toqtar, Toqa deýshi edi) jarqyn beınesi áli de kóz aldymyzdan kómeskilene qoıǵan joq. «Taý alystaǵan saıyn bıikteı túsedi» degendeı, ýaqyt ótken saıyn ol kisiniń nurly beınesi men adamı asyl qasıetteri burynǵydan da jarqyraı ashyla túsýde. Toqań ómirden ótken soń ol kisi úzdiksiz 21 jyl basqarǵan qazaq biliminiń qara shańyraǵy – Abaı atyndaǵy Qazaq ulttyq pedagogıkalyq ýnıversıtetiniń bas ǵımaratynda ol kisige eskertkish taqta qoıylyp, arnaýly dárishana ashyldy. T.Sadyqov atyndaǵy «Qazaqstan tarıhy» kafedrasynyń ǵalymdary jyl saıyn dástúrli «T.Sadyqov oqýlary» atty aıryqsha mazmundaǵy ǵylymı-teorııalyq konferensııa ótkizip turady. Oǵan elimizdiń túkpir-túkpirinen, tipti, shetelderden belgili tarıhshy-ǵalymdar qatysyp, tarıh ǵylymynyń jáne ony oqytýdyń ózekti máselelerin talqylaıdy. Ár el ǵalymdarynyń akademık-tarıhshy Toqmuhamed Sálmenuly Sadyqovtyń sońynda qalǵan mol zertteý muralaryna degen qyzyǵýshylyǵy kún sanap artyp keledi. Jyl ótken saıyn Toqańnyń eńsesiniń bıikteı túskeni osy emes pe?!
Bizdiń bilýimizshe, jaratylysynan isker, qolǵa alǵan isine adal, uıymdastyrýshylyq qabileti aıryqsha osynaý jannyń búkil sanaly ǵumyry elimizdegi joǵary bilim júıesin órkendetýge, respýblıka úshin asa qajetti mamandar daıarlaý isine arnaldy. Eńbek jolyn Almaty qurylys tehnıkýmynda qatardaǵy oqytýshy bolyp bastaǵan ol respýblıka Joǵary jáne orta bilim mınıstriniń orynbasary, Abaı atyndaǵy Qazaq ulttyq pedagogıkalyq ýnıversıtetiniń rektory qyzmetine deıin talaı-talaı ǵıbratty joldan ótken. О́zimiz kórip, kýási bolǵandaı, respýblıka Joǵary bilim mınıstriniń orynbasary bolyp qyzmet istegen kezinde T.Sadyqov joǵary bilim júıesin jan-jaqty damytýǵa, jańa zamanǵa laıyq jańasha kózqarastaǵy bilikti mamandar daıarlaýǵa baǵyttalǵan ozyq tehnologııalyq ádis-tásilderdi ómirge batyl engizýge atsalysty. Joǵary oqý oryndarynda oqytylatyn pánder arasyndaǵy qurylymdyq-logıkalyq jáne pánaralyq baılanystardy jolǵa qoıýdaǵy eńbegi joǵary ynta men maqsatkerliktiń jemisi edi.
Abaı atyndaǵy Qazaq ulttyq pedagogıkalyq ýnıversıtetin basqarǵan jyldary Toqmuhamed Sálmenulynyń iskerlik, uıymdastyrýshylyq, qaıratkerlik qabileti jarqyraı ashyldy. Ol kisi osy oqý ornyna rektor bolyp taǵaıyndalǵan 1987 jyl búkil Keńes Odaǵynda «qaıta qurý» naýqany keńinen óris alyp turǵan kez edi. Bul saıası naýqan sátsiz aıaqtalyp, 90-jyldardyń basynda Keńes Odaǵy ydyraı bastaǵan. Basqa odaqtas respýblıkalar sııaqty Qazaqstan da óz táýelsizdigin jarııalady. Biraq derbes memleket qurýdyń alǵashqy onshaqty jyly óte kúrdeli jaǵdaıda ótkeni belgili. Kapıtalıstik baǵyttaǵy jańa qoǵamdyq qurylysqa ený úshin naryqtyq ekonomıkaǵa kóshý kerek boldy. Biraq naryqtyq qatynastar oqý oryndaryna ońaılyqpen ornyǵa qoımaǵany málim. Búkil qoǵamdyq qurylys sııaqty, áleýmettik júıe, onyń ishinde bilim berý salasy da kúızelisti kezeńdi bastan keshirdi. Mine, osyndaı aýmaly-tókpeli ýaqytta rektor T.S.Sadyqov asa úlken uıymdastyrýshylyq qabiletiniń arqasynda oqý ornyn zaman talabyna beıimdeı bildi. Jyldap jalaqy ala almaı qınalyp júrgen oqytýshy-professorlar men barlyq qyzmetkerlerdiń qataryn ydyratpaı, ujymdy saqtaı bildi jáne olardyń bolashaqqa degen senimin nyǵaıta tústi. Olardy jańa qoǵamdyq qatynastar talabyna sáıkes tyń izdenisterge bastady. T