Atyraýda tótenshe jaǵdaı kezindegi karantınge baılanysty tórt blok-beket ashylǵan edi. Onda polısııa qyzmetkerlerimen birge áskerıler de kezekshilik atqardy.
О́ńirlik kommýnıkasııalar qyzmetiniń habarlaýynsha, qoǵamdyq qaýipsizdikti qamtamasyz etýge Atyraýdaǵy jergilikti garnızonnan 200 áskerı tartyldy. Máselen, №41430 áskerı bóliminiń aǵa ofıseri, maıor Aqylbek Áljanovtyń aıtýynsha, áskerı qyzmetshiler blok-beketterde eki aýysymmen jumys istepti.
– Biz blok-beketterdegi, qalanyń belgilengen jerlerindegi qyzmetimizdi abyroımen atqardyq. Ár aýysymda 28 adam kezekshilikke shyqty. Mindetimiz – tótenshe jaǵdaı rejıminiń saqtalýyn qamtamasyz etý. Áskerılerdiń kómegimen 20-ǵa jýyq tártip buzýshylyq anyqtaldy. Biz úshin elimizdiń tynyshtyǵy men halqymyzdyń amandyǵy qymbat. Sondyqtan, biz eldi qorǵaýǵa ázirmiz, - deıdi aǵa ofıser Aqylbek Áljanov.
Áskerıler Atyraý qalasyndaǵy №3 emhanada qaýipti indet ınfeksııasyna PTR test-synamasyn tapsyrdy. Atalǵan emhananyń epıdemıology Abzal Dúısenovtiń pikirinshe, 204 áskerı qyzmetkerden muryn juǵyndysy alynypty. Analız qorytyndysy bir táýlikte daıyn bolady.