Tólebı aýdany, Qasqasý eldi mekeninde 3 kópir eki táýliktiń ishinde qalpyna keltirildi. Zaqym kelgen taǵy bir kópir qysqa ýaqytta rettelmek.
Aýdan ákimi Baýyrjan Omarbekovtiń uıymdastyrýymen kúni-túni júrgizilgen tynymsyz jumystyń nátıjesinde qysqa mezgilde ótkelder tolyq retke keltirilip, aýyl arasyndaǵy baılanys ashyldy. Eldi mekenderde elektr energııasy jáne tabıǵı gazben qamtý jaǵdaıy da turaqty. Sonymen qatar Tólebı aýdanynyń Qasqasý, Keńesaryq, Qosaǵash, Ekpindi, Birkólik, Kıelitas, Dostyq jáne Leńgir qalasynyń aýmaǵynda ornalasqan eldi mekenderinde jınalǵan jańbyr sýynan tazalyq jumystary jalǵasýda. Tasqyn sýdan zaqym kelgen aýdandyq jáne oblystyq mańyzy bar kóshelerdi qalpyna keltirý jumystary júrgizilip, zalal shyǵyndary eseptelýde.
Eske sala keteıik, nóser jaýynnyń saldarynan Tólebı aýdanyndaǵy ózenderdiń sý deńgeıi kóterilip, aryq-atyz, qyr-saılardan jınalyp aqqan jańbyr sýynan 6 eldi mekendegi 250 turǵyn úılerdiń aýlasyn sý shaıǵan bolatyn. Oryn alǵan jergilikti aýqymdaǵy tótenshe jaǵdaıǵa baılanysty, jedel shtab qurylyp, sý basqan eldi mekenderde tıisti jumystardy atqarý úshin 4 sektor belgilengen-di. Sý basqan aımaqtardy retke keltirý jumystaryna 300-ge jýyq adam, 27 motopompa, 38 tehnıka jumyldyrylǵan.
Túrkistan oblysy