Júktiliktiń 40-shy aptasynda koronavırýs indetin juqtyryp, №2 oblystyq ınfeksııalyq aýrýhanasyna túsken 28 jastaǵy júkti áıel bosandy. Ol aýrýhananyń ınfeksııalyq stasıonaryna júktiliktiń 40-aptasynda túsipti.
Oblystyq densaýlyq saqtaý basqarmasynyń baspasóz qyzmeti usynǵan málimetke súıensek, aýrýhananyń dáriger-ınfeksıonıst mamandary bir apta boıy júkti áıeldi nazardan tys qaldyrmaı, saýlyǵyn baqylady. Júktiliktiń 41-shi aptasynda oblystyq perınataldyq ortalyqtan tájirıbeli gınekolog, dáriger-neonatolog jáne akýsherlik top quramy shaqyryldy.
Al, jańa týǵan náresteniń salmaǵy – 3,5 keli, boıy – 55 sm. Dárigerler sábıden koronavırýsqa qarsy taldaý alyp, anasyna oqshaýlady. Sábıdiń analız qorytyndysy erteń belgili bolmaq.
–Balanyń jaǵdaıy jaqsy. Ony ınfeksııalyq stasıonardyń arnaıy ázirlengen taza palatasyna ornalastyrdyq. Sábıdiń densaýlyǵyn medısınalyq qyzmetkerler úzdiksiz qadaǵalaıdy. Qaýipti indetti juqtyrǵanmen, aman-esen jeńildengen kelinshek ınfeksııalyq stasıonarda emin jalǵastyra beredi. Ol qaýipti indetten aıyqqan soń ǵana ulymen birge bolady, - deıdi №2 oblystyq aýrýhananyń dırektory Mahjan Sıdjanov.