О́zek órteıtin ókinishti oqıǵanyń ekeýi de Maqat aýdanynda tirkelip otyr. Oblystyq polısııa departamenti baspasóz qyzmetiniń málimetinshe, 15 mamyrda Maqat kentinde atys qarýynan 1985 jyly týǵan jergilikti jigit jaraqat alyp, oqıǵa ornynda kóz jumdy.
Polısııa qyzmetkerleri atalǵan qylmysqa qatysty eki kúdiktini anyqtady. Onyń bireýi ustalyp, qamaýǵa alyndy. Sotqa deıingi tergep-tekserý Qazaqstan Respýblıkasynyń Qylmystyq Kodeksiniń 99-babynyń 1-bólimimen (Adam óltirý) júrgizilip jatyr.
–О́zge aqparat Qazaqstan Respýblıkasynyń Qylmystyq-prosestik Kodeksiniń 201-babyna sáıkes jarııalaýǵa jatpaıdy, -dep habarlady baspasóz qyzmeti.
Sondaı-aq oblystyq tótenshe jaǵdaılar departamenti baspasóz qyzmetiniń habarlaýynsha, 16 mamyrda saǵat 18:00 shamasynda Maqat kentiniń «Bolashaq» shaǵynaýdanyndaǵy 3 qabatty úıdiń 2-qabatyndaǵy páter terezesinen 1 jastaǵy bala qulap ketti.
Terezeden qulaǵan balaqaı oblystyq balalar aýrýhanasyna jatqyzyldy. Qazir onyń jaǵdaıy aýyr.
–Oqys oqıǵaǵa balany qaraýsyz qaldyrý sebep bolyp otyr. Oblysta jyl basynan beri osyndaı eki oqıǵa tirkeldi, dep málim etti departamenttiń baspasóz qyzmeti.