Tótenshe jaǵdaı rejımin qamtamasyz etý jónindegi óńirlik jedel shtab taratqan málimetke qaraǵanda, óńirdiń epıdemıoloıgıalyq ahýalyna osyndaı pessımıstik boljam jasalyp otyr. Onyń sebebi nede?
Atyraý oblysynyń bas sanıtarlyq dárigeri Temirbek Musaǵalıevtiń aıtýynsha, oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandary óńirdegi epıdemıologııalyq ahýaldyń órbýine qatysty birneshe nusqa daıyndapty. Eger turǵyndar oqshaýlanyp, sanıtarlyq talaptar men shekteýlerdi saqtaıtyn bolsa, mamyrdyń aıaǵyna deıin qaýipti indetti juqtyrýshylardyń shekti sany 800-den aspaıdy.
–Karantın talaby buzylatyn bolsa, indetti juqtyrýshylar sany jedel ósip, 31 mamyrda 2000-nan asýy múmkin. Sol sebepten, shekteý sharalaryn birtindep alýǵa májbúrmiz, deıdi Temirbek Musaǵalıev.