Mahambet aýdanynda 2018 jyly paıdalanýǵa berilgen kópirdiń búlingen tustary baıqalyp qaldy. Bul týraly áleýmettik jelilerde vıdeo taraǵan edi.
Aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń habarlaýynsha, buǵan nóser jaýynnyń kesiri tıgen. Jaıyq ózeniniń Jalǵansaı aýyly tusynan salynǵan kópirdiń uzyndyǵy 8 030 metrdi quraıdy.
–Nóser jaýynnyń kesirinen atalǵan kópirdiń jaıaý júrginshi joly aýmaǵynda asfalt jabyndysy tesilip, sarqyn sýmen oıys paıda boldy. Bul týraly oblystyq jolaýshylar kóligi jáne avtomobıl joldary basqarmasyna dereý habarlandy.
Kópir qurylysyn júrgizgen bas merdiger – «Atyraýınjstroı» JShS-niń mamandary zerdeleý jumystaryn júrgizýde. Bas merdiger qysqa merzimde 5 jyldyq kepildemesine sáıkes aqaýlyqty qalypqa keltiretin bolady, dep habarlady Mahambet aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminen.