COVID-19 taralýyna jol bermeý jónindegi vedomstvoaralyq komıssııa Aqtóbe oblysynda 18 adamnyń koronavırýs juqtyrǵanyn habarlady.
Vırýsty juqtyrǵandardyń 13-i koronavırýsty juqtyrǵandarmen jaqyn qarym-qatynasta bolǵandar, 1-eýi potensıaldy qarym-qatynasta bolǵan adam, 1-eýi skrınıng ótý kezinde anyqtalǵan, 3 adam dene temperatýrasy kóterilip, JRVI sımptomdary paıda bolýyna baılanysty ózi dárigerge qaralǵan.
Barlyq pasıentter juqpaly aýrýlar aýrýhanasyna oqshaýlandyryldy, naýqastardyń jaǵdaılary qanaǵattanarlyq, hattamaǵa sáıkes tıisti em qabyldap jatyr.
Profılaktıkalyq jáne epıdemııaǵa qarsy sharalar qolǵa alynǵan.
О́tken táýliktegi jaǵdaı boıynsha oblysta COVID-19 ınfeksııasymen jalpy 270 adam tirkelgen.