TASS aqparat kózi taratqan habarǵa súıensek, Ispanııa úkimeti koronavırýs saldarynan qaza tapqan adamdardy eske alý maqsatynda, elde 10 táýlik qaraly kún jarııalamaq. Bul týraly premer-mınıstr Pedro Sanches arnaıy málimdeme jasady.
«Koronavırýs saldarynan kóz jumǵan adamdardyń qurmetine oraı, aldaǵy seısenbiden bastap kúlli Ispanııa qara jamylady. Bul shara 10 kúnge jalǵasady. Sonymen qatar jappaı oqshaýlaý sharasy aldaǵy aptalarda da jalǵasyn tabady» dedi úkimet basshysy.
Bul atalǵan memleket tarıhynda tuńǵysh ret ári resmı túrde eń uzaq merzimge jarııalanǵan qaraly kúnder kórinedi.
О́ıtkeni elde indet etek alǵan naýryz aıynan bastap eseptegende barlyǵy 282 370 jaǵdaı tirkelse, dert saldarynan qaza tapqandar sany 28 678 adamǵa jetipti.