Erkin kúresten Ázerbaıjan ulttyq quramasynyń beldi múshesi, Olımpıada jáne álem chempıony Sharıf Sharıfovtyń koronavırýs juqtyrǵany anyqtaldy.
Qazirgi tańda 31 jasqa tolyp otyrǵan bul balýan ótken jyly kúzde kúres túrlerinen Nur-Sultan qalasynda ótken álem chempıonatynda kúmis medalǵa qol jetkizip, Tokıo olımpıadasynyń joldamasyn jeńip alǵan bolatyn.
Ol alǵashynda ózine «tumaý tıgen shyǵar» degen kúdikpen dertke asa mán bermegen. Biraq ýaqyt ótken saıyn densaýlyǵy tómendep, dene qyzýy qalypty kúıin joǵaltqan. Qazir bul sportty em qabyldap jatyr. Jaǵdaıy da jaqsaryp keledi.
Qyzyq bolǵanda, bul azamattyń áýleti, ıaǵnı ata-anasy, apaıy taǵy basqa jaqyn týysqandary birinen soń biri barlyǵy derlik indet juqtyryp úlgergen.
Alǵashqy bolyp anasy «ókpege sýyq tıdi» degen analızben Maqashqalada aýrýhanaǵa jatqyzylǵan. Biraq ol indetke aınalyp, nátıjesinde dert barlyq otbasy múshelerin sharpaǵan.