Taǵy bir býyn úshin mekteppen qoshtasar sát jaqyndady. Búgin óńirdegi 196 mekteptiń 129 500 oqýshysy úshin oqý jylynyń aıaqtalǵanyn bildiretin sońǵy qońyraý soǵyldy. Árıne, bul shara onlaın rejımde ótti.
О́ńirlik kommýnıkasııalar qyzmetiniń habarlaýynsha, bıyl 5 286 túlek mektepti bitirip otyr. Olardyń arasynan 11 jyl boıyna úzdik oqyp, túrli bilim báıgesinde juldyzy jarqyraǵan 229 oqýshy «Altyn belgini» ıelenedi. Al 183 túlektiń bilimi «Úzdik attestatpen» baǵalanbaq.
– Mektep túlekterine attestat tapsyrý sharasy 3-4 maýsymda bilim uıasynyń ashyq alańynda ótedi. Oǵan tek túlekter ǵana qatysady, -deıdi oblystyq bilim basqarmasynyń mamandary.