Qyzylorda oblysynyń ákimi Gúlshara Ábdiqalyqovanyń mádenıet salasy boıynsha shtattan tys keńesshisi qyzmetine Súndet Baıǵojın taǵaıyndaldy. Bul týraly búgin ákimdiktiń resmı paraqshasynda habarlandy.
Súndet Abdrahmanuly Baıǵojın 1984 jyly Qostanaı oblysy, Arqalyq qalasynda dúnıege kelgen. Qazaq ulttyq mýzyka akademııasynda "Jeke án aıtý" mamandyǵy boıynsha bilim aldy. "Astana Opera" teatrynyń jetekshi opera ánshisi qyzmetin atqardy. "Qurmet" ordeniniń ıegeri, QR Eńbek sińirgen qaıratkeri.
Belgili opera ánshisi Syr eliniń ónerin, onyń ishinde klassıkalyq mýzykany damytýǵa at salysady, aımaq ónerpazdaryn jahandyq sahnaǵa shyǵarýǵa eńbek etedi dep josparlanýda.