Memleket basshysy Ulttyq qoǵamdyq senim keńesiniń úshinshi otyrysynda adam kapıtalyn damytýǵa arnalǵan birqatar mańyzdy máseleni qozǵady. Soǵan baılanysty naqty tapsyrmalar berdi. Mundaı format elimizde qoǵamdyq dıalogtyń ulttyq modeli qalyptasyp kele jatqanyn kórsetedi.
Otyrys barysynda Ulttyq keńes músheleri de qundy pikirlerin bildirip, usynystaryn ortaǵa saldy.
Álem qazirgi tańda juqpaly indetpen kúreste bıologııalyq qaýipsizdik máselesine aıryqsha mán berip otyr. Prezıdent osyǵan baılanysty elimizdiń bıologııalyq qaýipsizdigin qamtamasyz etý úshin zań qabyldaý kerek ekenin atap ótti. Medısına, bilim berý salalarynda da birqatar túbegeıli reformalardy iske asyrý qajettigi týyndap otyrǵanyn aıtty. Sondyqtan Memleket basshysynyń búgingi usynystaryn zaman talabyna saı dep esepteımin.
Aıgúl QAPBAROVA,
Parlament Senatynyń depýtaty