Fýtboldan Qazaqstan chempıonatynda óner kórsetetin Pavlodardyń ERTIS komandasy qarjy jáne sporttyq mindettemelerdi oryndaı almaıtynyna baılanysty 2020 jylǵy OLIMPBET-fýtboldan Qazaqstan birinshiligine qatysýdan bas tartty.
Qazaqstan kásipqoı fýtbol lıgasy mekeme basshylyǵyna «ERTIS» fýtbol klýby atynan maýsymdy jalǵastyra almaıtyndyǵy jáne klýbty chempıon oıyndarynan shyǵarý týraly ótinish kelip túsken. Reglamentke sáıkes, Qazaqstan chempıonatyna qatysýdan bas tartqany úshin klýbtyń jastar komandasy Ekinshi lıgaǵa da qatysa almaıdy.
1965 jyly qurylǵan Pavlodar komandasy el birinshiligine turaqty qatysatyn jáne bas júldege úmitti ujymdardyń qatarynda edi. ERTIS Qazaqstan chempıonatynda bes márte (1993, 1997, 1999, 2002, 2003) bas júldeni oljalaǵan úsh komandanyń biri sanalatyn. Sondaı-aq Azııa chempıondar lıgasynyń jartylaı fınalyna shyǵyp, el birinshiliginde 4 ret kúmis, 6 ret qola medal alǵan.