О́zgeniń zatyna, aqshaǵa qol suǵý da –qylmys. Bul jas ta, jynys ta tańdamaıdy. Áleýmettik jelide azyq-túlik dúkeniniń kassasyna qol suqqan qyz týraly vıdeo jarııalanǵan edi.
Bul derektiń Atyraýda bolǵanyn oblystyq polısııa departamentiniń baspasóz qyzmeti rastap otyr.
– Atyraý qalalyq polısııa basqarmasy birneshe ret urlyq jasaǵan 2003 jyly týǵan qyzǵa qatysty sotqa deıingi tergep-tekserý sharasyn júrgizip jatyr. Jasóspirimniń kámeletke tolmaǵanyn eskergen Atyraý qalalyq mamandandyrylǵan soty ony úı qamaqqa alýǵa sanksııa berdi, - dep habarlady departamenttiń baspasóz qyzmeti.