Bul týraly Mádenıet jáne sport mınıstri Aqtoty Raıymqulova halyqqa onlaın esep berý jıynynda aıtty.
«Mınıstrlik til salasynyń úılesimdi damýyn kózdeıtin memlekettik saıasatty iske asyrady. О́zekti máselelerdiń biri qazaq álipbıin latyn grafıkasyna kóshirý. Bul jumys qalyń jurtshylyq pen sarapshylar qoǵamdastyǵynyń qatysýymen júrgizilýde. Búginde ǵalymdar, azamattar tarapynan 40-qa jýyq álipbı jobasy usynyldy. Atalǵan jobalardyń avtorlaryn, jetekshi ǵalymdardy, fılologtar mamandardy, táýelsiz sarapshylardy tarta otyryp, birqatar kezdesýler ótkizilýde», - dedi Aqtoty Raıymqulova.
Mınıstrdiń aıtýynsha, Memleket basshysynyń latyn grafıkasyna negizdelgen álipbıin jetildirýge qatysty tapsyrmasyna sáıkes keńinen respýblıkalyq ashyq talqylaýlar, ǵylymı saraptamalar uıymdastyryldy. IT mamandarynyń pikirleri tyńdalyp, áripterdiń Unicode standarttaryna sáıkes eskerilgen pernetaqta jobalary ázirlendi.
«Kúni keshe ǵana Memleket Basshysy «Komsomolskaıa pravda» gazetine bergen suhbatynda atap ótkendeı negizgi aqparattar latyn grafıkasyna negizdelgendikten, bizdiń balalarymyz jańa jaǵdaıǵa beıimdelý kerek. Qazaq álipbıin jańǵyrtý qazaq tiliniń kommýnıkasııalyq múmkindikterin arttyrý nıetinen týyndaǵan», - dedi A. Raıymqulova.