747 aýylǵa ınternet keldi. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev halyqqa esep berý kezdesýinde aıtty, - dep jazady Egemen.kz
"Memlekettik-jekeshilik áriptestik" jobasy sheńberinde 20 myń kılometrden astam optıka tartyldy jáne 1250 aýyl qamtylady. Internet 747 aýylǵa keldi. Qalǵan 503 aýyl - aǵymdaǵy jyldyń sońyna deıin qosylady", dedi Asqar Jumaǵalıev.
Mınıstrdiń aıtýynsha, talshyqty-optıkalyq baılanys jelisiniń bolýy uıaly baılanys operatorlaryn aýyldarda ózderiniń bazalyq stansııalaryn ornatýǵa jáne aýyl turǵyndaryn sapaly mobıldi ınternetpen qamtamasyz etýge yntalandyrady.
"Osylaısha, biz uıaly operatorlarmen Memorandýmǵa jáne jospar-kestege qol qoıdyq, onyń sheńberinde olar 250-den astam adam turatyn barlyq aýyldarǵa 3G/4G uıaly baılanysyn usynýǵa mindetteldi. Joǵaryda kórsetilgen jobalardy iske asyrý nátıjesinde aǵymdaǵy jyldyń sońyna deıin Keń jolaqty qatynaýmen el halqynyń jalpy sanynyń 99,3%-y qamtylatyn bolady. Turǵyn sany 50 jáne odan da kóp qalǵan aýyldardy keń jolaqty qatynaý qyzmetterimen qamtamasyz etý 2022 jyldyń sońyna deıin josparlanyp otyr", dedi mınıstr.