Bul týraly Densaýlyq saqtaý mınıstri Eljan Birtanov Facebook paraqshasynda jazdy.
"Men mınıstr retinde ǵana emes, eń aldymen koronavırýs epıdemııasynyń qaýip-qaterin jaqsy túsinetin jáne azamattardyń densaýlyǵy úshin erekshe alańdap júrgen adam retinde sizderge ótinish jasamaqpyn. Dál qazir jaýapkershilikti moınymyzǵa alyp, árqaısymyz "jeke karantın" erejelerin muqııat úırener jáne ony ómir saltyna aınaldyrar kez keldi. Al indetti juqtyryp almaý úshin qarapaıym ǵana sharalardy saqtasańyzdar bolǵany. Jumysta, kólikte, kóshede, dúkende jáne basqa jerlerde múmkindiginshe araqashyqtyqty saqtańyz. Eger múmkindik bolsa keńsede emes, úıde otyryp jumys isteýge tyrysyńyz. Týys-dostarmen onlaın, vıdeo-qońyraý jáne ózge de jańa tehnologııalardyń kómegimen baılanys ornatyńyz. Qoǵamdyq orynda maska taǵyp júrińiz, sondaı-aq qoldy kem degende 20 sekýnd sabynmen jıi jýyp, sanıtaızermen súrtińiz. О́zińizdiń jáne otbasy músheleriniń temperatýrasyn jıi ólshep turyńyz", - dep jazdy mınıstr.