Ekotýrızmdi damytýǵa erekshe nazar aýdarylýda

Jyl saıyn qorshaǵan ortany qorǵaý, qalany jasyl jelek­pen kómkerý ju­mystaryna mem­lekettik qyz­met­kerler men oblys or­talyǵy turǵyndary da atsalysýda. Olar demalys kún­deri egilgen kóshetterdiń túbin áktep, qala aýmaǵyn kúl-qoqystan tazar­tady. Osylaısha ekologııalyq má­denıetti qalyptastyrýǵa yq­pal etýde. Mamandardyń aı­týyn­sha, aldaǵy eki-úsh jylda Túrkistan qalasynyń aýmaǵy tal-daraqpen kóm­kerilip, jasyl jelekke aınalady. Bul oraıda byltyr qalanyń ekologııalyq ah­ýalyn jaqsartý maqsatynda «Jasyl aımaq», «Jasyl beldeý» qurylyp, kóne shahardy qorshaı aǵash kóshetteri egi­lýde. Túrkistan qalasynyń Bas josparyna sáıkes, ótken jy­ly shahar aınalasynan 7 700 gek­tar alqapqa «Jasyl beldeý» qurylǵan bolatyn. О́ńir tabı­ǵa­tyna beıim 7-8 túrli aǵash 3,5 myń gektar jerge, al bıyl jyl basynan beri qala aýmaǵynda 1235 gektarǵa 1 mln 387 myń túp kóshet otyrǵyzyldy. О́ńir­degi eko­logııalyq ahýal­dy jaqsartý úshin «Jasyl aımaq», «Jasyl beldeý» baǵdarlamalary aıasynda aýqymdy jumystar atqa­rylýda. Búgingi tańda «Jasyl aımaq» mekemesinde 450 adam eńbek etedi. Egilgen kó­shet­terdiń bári qyzmetkerlerge bó­linip berilgen. Olar kúndizgi jáne túngi sýarý jumystaryn júıe­li júr­gizedi. Sý 10 tonnalyq qoı­maǵa sýsorǵymen toltyrylyp, aǵashtardyń túbine jekeleı jiberiledi. Aǵyn sý kók­tem mezgilinde jas kó­shet­terge Arys – Túrkistan ka­naly arqyly jet­ki­zil­se, jazǵa qaraı arnaıy qa­zyl­ǵan uńǵymalardan sý­a­rylady eken. Jalpy, Túr­kistan qalasynyń jazy ys­tyq, tabıǵaty qurǵaq ke­letini málim. Sondyqtan eko­logııalyq ahýaly da kóńil kónshitpeıdi. Al mamandar qala aýmaǵyn jasyl-jelekpen kómkerý – qorshaǵan ortany qorǵaýdyń eń tıimdi joly ekenin aıtady. Sondyqtan shahardy aınaldyra qorshaı aǵash egý, ekologııalyq máde­nıetti qa­lyp­tastyrý – qa­zir óńirdegi bas­ty másele. Ob­lystyq tabıǵı resýrstar jáne tabıǵat paıdalanýdy ret­teý basqarmasynyń basshysy Qaırat Ábdýálıevtiń aıtýynsha, árbir túp aǵashtyń ózine qyshqyl otyndy sińire otyryp, qorshaǵan ortaǵa ottegi bólýi azdaý bolyp otyr. «Mysaly, 15 myń adam taza aýany sińirip jatsa, berýi 12 myń bolyp tur. Ǵylymı túrde aıtqanda or­man qala aýmaǵyn taza us­taý arqyly ekologııaǵa óziniń tıisti áserin beredi», deıdi bas­qarma basshysy. Ob­lys ákiminiń bastamasymen at­qarylyp jatqan jumys­tyń birinshi bóligi búginde aıaqtalǵan, endi kelesi kezeńge belgilengen jumystar atqa­rylatyn bolady.

Al Túrkistanǵa irgeles Kentaý qalasy Qarataý qo­ryǵynyń ja­nyndaǵy Han­­taǵy týrıstik ny­sany aýma­ǵynda ekologııalyq jáne belsendi týrızmdi da­mytýǵa baǵyt­talǵan ınves­tısııalyq jobalar júzege asyrylmaq. Oblys ákimi О́mir­zaq Shókeevtiń tapsyrmasyna sáıkes jańa jobalar daıyndalyp, áleýetti ınvestorlarǵa usynylýda. Bul maqsatta jalpy aýdany 230 gektar jer telimi anyqtalyp, onyń 50 gektarynda týrıstik ınvestısııalyq jobalardy iske asyrý jos­par­lanyp otyr. Kentaý qa­lasynyń ın­ves­tısııalyq múm­kindikterin, týrıster men kelýshi qonaqtardyń sa­nyn arttyrýǵa jáne jańa týrıstik baǵyttardyń damýy­na osylaısha tyń serpilis berilmek. Jalpy, Qarataý aýmaǵy – 34 myń gektar. On­da Qazaqstannyń Qyzyl kitabyna engen ósimdikter men jan-janýarlar meken etedi. Kentaý qalasy ákimdigi bıyl Han­taǵy týrıstik aýma­ǵyna aparar 8 shaqyrym joldy rettep, velojol salyp, ja­ryqtandyrmaq.

Túrkistan oblysy