Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qısyqova koronavırýs juqtyrǵanda eń aldymen ne isteý keregin aıtty, - dep habarlaıdy Egemen.kz.
"Eger koronavırýsqa tapsyrǵan analızińiz oń nátıje kórsetse, eń aldymen úıde oqshaýlaný kerek. Mindetti túrde maska taǵý rejımin saqtap, kúnine úsh ret termometrııa júrgizý qajet. Sondaı-aq ol adamnyń jeke ózi qoldanatyn ydysy, gıgıenalyq zattary bolýy shart. Bólmeni jıi jeldetip turýy tıis", - dedi Sáýle Qısyqova.
Onyń aıtýynsha, naýqastyń dene qyzýy 38 gradýstan joǵary bolsa, 500 mıllıgramnan parasetamol jáne kúnine bir ret 150 mıllıgram aspırın qabyldaý kerek.
"Indet juqtyrǵandar ózderin emdeýmen aınalyspaı, birden ýchaskelik dárigermen baılanysqa shyǵýy kerek. Aýmaqtyq tirkelý jerine qaraı jedel járdem nemese emhananyń call-ortalyǵyna habarlaǵan kezde ne sebepti habarlasqanyn eskertý qajet", - dedi ol.