Bıylǵy jyly fýtboldan ÝEFA Sýperkýbogy jolyndaǵy jarystyń fınaly 24 qyrkúıekte Majarstannyń astanasy – Býdapeshtegi Ferens Pýshkash atyndaǵy stadıonda ótedi, - dep habarlaıdy Egemen.kz.Egemen.kz
ÝEFA Sýperkýbogy – qart qurlyqtaǵy eń beldi jarystardyń biri ári biregeıi. Onyń ıegeri Chempıondar lıgasy men Eýropa lıgasyna jeńimpaz atanǵan komandalar arasyndaǵy báseke barysynda anyqtalady. Aıtýly táj úshin tartys 1972 jyldan beri úzdiksiz uıymdastyrylyp keledi.
Sýperkýbokty eń kóp oljalaǵan klýbtar – Ispanııanyń "Barselonasy" men Italııanyń "Mılany". Olar bes retten teńdessiz dep tanyldy. Madrıdtiń "Realy" men Anglııanyń "Lıverpýli" tórt retten top jarsa, Nıderlandtyń "Aıaksy" men Madrıdtiń "Atletıkosy" úsh márte dara shyqty. Belgııanyń "Anderleht", Ispanııanyń "Valensııa" jáne Italııanyń "Iýventýsy" eki ret dara shyqty. Sondaı-aq taǵy 15 komanda bir-bir retten osy ataqqa qol jetkizdi.
Memleketter jaıynda áńigime qozǵaıtyn bolsaq, bul rette Ispanııanyń ózgelerden oq boıy ozyq. Bul eldiń klýbtary 15 márte bas júldeni oljalady. Ekinshi jáne úshinshi oryndarda – Italııa men Anglııa. Apennın túbeginiń komandalary 9 jáne Tumandy Albıon eliniń ókilderi 8 ret jeńimpaz atandy.