Bul týraly halyqqa kezekti esep berý kezdesýi barysynda Ádilet mınıstri Marat Beketaev atap ótti.
Marat Beketaev atap ótkendeı, vedomstvo sot aktilerin oryndaýdy jaqsartýǵa baǵyttalǵan sharalar qabyldaýda. Máselen, aǵymdaǵy jyly azamattarǵa qolaıly bolý úshin mobıldi braýzerler úshin qoldanystaǵy portal ınterfeısine ońtaılandyrý júrgizý josparlanýda.
Al 2021 jyly atqarýshylyq is júrgizýdiń avtomattandyrylǵan aqparattyq júıesiniń (AIJ AAJ) mobıldik qosymshasyn ázirleý josparlanýda, ol:- atqarýshylyq áreketterdi kabınetten tys jasaýǵa;- is júrgizý taraptarynyń is júrgizý qujattarymen tanysýǵa;- qoldanylǵan sharalar mártebesiniń ózgerýine, sanksııa alýǵa jedel den qoıýǵa;- atqarýshylyq is júrgizý boıynsha bereshekti sharalardyń (shottarǵa, jyljymaıtyn múlikke tyıym salý, shyǵýdy, zańdy tulǵalardy tirkeý áreketterin shekteý) avtomatty alynýymen tóleýge múmkindik beredi.
Budan basqa, atqarýshylyq is júrgizý taraptarynyń kabıneti arqyly óndirip alýshynyń atqarýshylyq qujatty usynýy boıynsha fýnksıonal keńeıtilýde.Mınıstr atap ótkendeı, búgingi kúni atqarýshylyq is júrgizýdiń avtomattandyrylǵan aqparattyq júıesin (AIJ AAJ) odan ári damytý maqsatynda ekinshi deńgeıli on tórt banktiń málimetter bazasymen shoǵyrlandyryldy. Endi sot oryndaýshylary onlaın rejımde qarjy ınstıtýttarynda aýyrtpalyqtardy jedel júktep, alyp tastaı alady.
Sonymen qatar notarıýstardyń atqarýshylyq jazbalaryn elektrondy formatta alýǵa múmkindik beretin «E-notarıat» aqparattyq júıesimen ózara is-qımyl iske qosyldy. Sondaı-aq, ónerkásiptik paıdalanýǵa «SMS-habarlama» servısi iske qosyldy.Endi, nómirler tirkelgen jaǵdaıda boryshkerlerdiń telefondaryna is qozǵaý jáne ol boıynsha qabyldanǵan is júrgizý áreketteri týraly aqparat bar SMS kelip túsetin bolady.
Atqarýshylyq is júrgizýdi sıfrlandyrý nátıjesinde azamattar sot oryndaýshylarmen onlaın is-qımyl quraldaryna ıe bolady.